Bæjarráð

Bæjarráð samþykkir að veita viðbótarfjármagni til Grundaskóla til kaupa á kæliklefa (stór kæliskápur). Kostnaðinum, samtals að fjárhæð kr. 2.331.000 (með uppsetningu og vsk), er mætt af deild 20830-4660 og færður á deild 04230-4660.

Samþykkt 3:0

Bæjarráð fór yfir samningsdrögin og felur sviðsstjórum frekari úrvinnslu málsins og gert ráð fyrir að málið komi að nýju fyrir næsta fund bæjarráðs.

Samþykkt 3:0

Bæjarráð óskar eftir umfjöllun ráðningarnefndar Akraneskaupstaðar um erindið en gert er ráð fyrir að ráðið fundi nk þriðjudag þann 21. maí.

Samþykkt 3:0

Rétt er að taka fram að í bókun skóla- og frístundaráðs þann 8. maí sl. misritaðist að erindið færi til bæjarráðs og fundargerðin lögð þannig fram til kynningar í bæjarstjórn þann 14. maí sl. og því eðlilegt að erindið sé tekið upp í bæjarráði nú.

Bæjarráð gerir ekki athugasemd við ákvörðunina sem er að fullu í samræmi við samþykktar stjórnunarheimildir skólans.

Samþykkt 3:0
Dagný Hauksdóttir og Kristjana Helga Ólafsdóttir víkja af fundi

Lagt fram.
Bæjarráð þakkar fjármálastjóra fyrir yfirferðina.

Bæjarráð samþykkir að fela Jóhanni að ganga til samninga við lægstbjóðanda um kaup á viðunandi búnaði.
Samþykkt 2:0, RBS situr hjá

Jóhann Guðmundsson víkur af fundi.

Lagt fram.
Bæjarráð telur ekki þörf á að Akraneskaupstaður skili sérstakri umsögn umfram fyrirliggjandi umsögn Samband íslenskra sveitarfélaga.

Bæjarráði þykir miður sú staða sem er upp komin eins og rakið er með skýrum hætti í erindinu og má fyrst og fremst rekja til fjárhagslegrar stöðu Akranessóknar.
Bæjarráð óskar umsagnar skipulags- og umhverfisráðs varðandi möguleg not hússins fyrir Akraneskaupstað og varðandi ástand mannvirkisins.
Bæjarráð felur jafnframt bæjarstjóra frágang löggerninga og annars sem tilheyrir breyttu eignarhaldi hússins.

Samþykkt 3:0

Bæjarráð gerir ekki athugasemdir við útgáfu rekstrarleyfis til handa umsækjanda að því gefnu að jákvæðar umsagnir berist frá byggingarfulltrúa, Slökkviliðsstjóra og Heilbrigðiseftirliti.

Samþykkt 3:0

Bæjarráð þakkar starfshópnum fyrir skýrsluna.
Til greina kemur að bæjarráð óski eftir að starfshópurinn haldi áfram störfum og gert ráð fyrir að boða fulltrúa hópsins á næsta fund bæjarráðs, til að fylgja eftir skýrslunni en vegna fjölda mála á fundinum nú var ekki unnt að koma því við að þessu sinni.

Bæjarráð telur mikilvægt að aldurstakmörk inn á viðburðinn sé 20 ár eins og umsóknin ber með sér nú sem er breyting frá fyrri árum.

Varðandi fjöldann sem sótt er heimild fyrir nú um, þ.e. alls 6000 manns, sem er fjölgun um 1000 manns frá fyrra ári, telur bæjarráð það óraunhæfan fjölda sem innviðir samfélagsins, þ.e. heilsu- og löggæsla og viðburðaraðilar almennt, ráði illa við. Umsóknir viðburðarhaldara undanfarin ár bera þess merki að fjöldinn hefur verið að aukast. Árið 2018 var sótt um heimild fyrir 2500 manns, árið 2019 var fjöldinn 3000, árin 2020 og 2021 féll viðburðurinn niður vegna Covid faraldursins og fjöldinn 2022 og 2023 var 5000.

Bæjarráð tekur jafnframt fram að við vinnslu umsagnarinnar hefur verið aflað ýmissa gagna, m.a. frá lögreglu og Heilbrigðsstofnun Vesturlands, og fyrir liggur einnig skýrsla starfshóps Akraneskaupstaðar um framtíðarsýn Írska daga. Starfshópurinn var settur á laggirnar haustið 2023 og starfaði frá miðjum október og skilaði af sér skýrslu nú í lok apríl. Þar er að finna mjög gagnlegar og mikilvægar upplýsingar sem munu nýtast Akraneskaupstað til að bæta umgjörð fjölskylduhátíðar Írskra daga og þar er einnig að finna umfjöllun um viðburðinn Lopapeysuna og komið með fjölmargar ábendingar sem nýst gætu bæði Akraneskaupstað og viðburðarhaldara Lopapeysunnar til að bæta alla umgjörð þessa skemmtilegu og viðburðarríku helgi sem hefur fastan sess í bæjarbrag Akraness. Mikilvægt er auðvitað að gera greinarmun á þeim þáttum Írskra daga sem Akraneskaupstaður ber eiginlega ábyrgð á og svo einstaka viðburðum eins og Lopapeysunni sem skv. hefð fer fram þessa sömu helgi og er jafnan spyrt við hátíðina Írska daga en gæti eðli máls samkvæmt farið fram á hvaða öðrum tíma sem er.

Að öðru leyti en að framan greinir gerir bæjarráð ekki athugasemdir við að umsækjanda verði veitt tækifærisleyfi vegna viðburðarins Lopapeysan þann 6. júlí næstkomandi og samþykkir að viðburðurinn standi til kl 04:00 aðfararnótt þess 7. júlí. Samþykki Akraneskaupstaðar er veitt með fyrirvara um jákvæða umsögn slökkviliðsstjóra, Heilbrigðiseftirlits og annarra viðbragðsaðila.

Gert er ráð fyrir að skipuleggjandi viðburðarins komi á fund bæjarráðs nú í lok maí eða byrjun júni þar sem farið verður yfir þær ráðstafanir sem hann hyggst grípa til vegna þessa umfangsmikla viðburðar.

Samþykkt 3:0

Bæjarráð telur mikilvægt að aldurstakmörk slíks viðburðar séu miðuð við 20 ár sem er þá í samræmi við skilyrði leyfisveitingar til sölu áfengis. Þá bendir Akraneskaupstaður á að þessa helgi er mikið umleikis á Akranesi vegna Írskra daga en miðað við fjölda hátíðargesta undanfarin ár reynir mjög á þolmörk viðbragðsaðila (lögreglu, heilsugæslu, björgunarsveitar o.fl.). Vissulega er sá þjóðþekkti viðburður í nafni Akraneskaupstaðar og eðli máls samkvæmt getur kaupstaðurinn ekki lagst gegn leyfisveitingu af þessum toga af þeim sökum enda Írskir dagar fyrst og fremst ætlaðir að vera fjölskylduskemmtun af kaupstaðarins hálfu með fullt af skemmtilegum viðburðum fyrir fólk á öllum aldri.

Viðburðurinn "Lopapeysan" er haldin þessa sömu helgi á laugardagskveldinu en áralöng samstarfssaga er á milli þess viðburðarhaldara og Akraneskaupstaðar og sú áherslubreyting verið gerð nú að aldurmörk þess viðburðar eru miðuð við sömu aldursmörk og sett eru fram nú að hálfu Akraneskaupstaðar í þessari umsögn.

Að öðru leyti gerir bæjarráð ekki athugasemdir við leyfisveitingu til umsækjanda en þó að því gefnu að fyrir liggi jákvæðar umsagnir Slökkviliðs, Heilbrigðiseftirlits og annara viðbragðsaðila og tryggt að uppfyllt séu í einu og öllu þau skilyrði sem þessir aðilar kunna að setja fram. Bæjarráð bendir á að í umsókninni er miðað við að viðburðurinn standi óslitið frá kl. 12:00 þann 5. júlí nk. til kl. 18:00 þann 6. júlí nk. sem hljóta að vera mistök. Bæjarráð gerir ekki athugasemdir við að viðburðurinn standi til kl. 04:00 aðfaranótt þess 6. júlí nk. Ef vilji viðburðarhaldara stendur til að hafa viðburðinn einnig á laugardeginum sjálfum gerir bæjarráð engar athugasemdir við að hann hefjist að nýju um kl. 12:00 og standi til kl. 18:00.

Samþykkt 3:0

Lagt fram.

Einstök mál sem fjallað var um á eigendafundinum eru til frekari úrvinnslu á vettvangi Heilbrigðisnefndar og koma væntanlega til málsmeðferðar í stjórnsýslu Akraneskaupstaðar á síðari stigum.

Lagt fram.
Bæjarráð er sammála Samtökum heilbrigðiseftirlitssvæða um mikilvægi þess að sveitarfélögin fái kynningu á skýrslu starfshóps um fyrirkomulag eftirlits frá því í ágúst 2023 sem og þeim tillögum sem þar koma fram enda er málaflokkurinn á ábyrgð sveitarfélaga. Þá tekur bæjarráð einnig undir ósk Samtakanna um að fá að skipa einnig varafulltrúa í stýrihópinn svo tryggt sé að fulltrúi samtakanna sé ávallt við borðið er stýrihópurinn fundar um þetta mikilvæga málefni.

Bæjarráð felur bæjarstjóra að koma sjónarmiðum bæjarráðs á framfæri við umhverfis, orku- og loftslagsráðherra sem og matvælaráðherra.

Samþykkt 3:0

Lagt fram.

Bæjarráð samþykktir tillögu sviðsstjóra stjórnsýslu- og fjármálasviðs um launagreiðslur til starfsmanna kjörstjórna og annarra þeirra sem koma að framkvæmd kosninganna.

Á kjörskrá á Akranesi þann 1. júní nk. eru samtals 5828 einstaklingar.

Samþykkt 3:0

Lagt fram.
Framkvæmdastjóri Höfða óskaði eftir að fundarboðið yrði birt á heimasíðu Akraneskaupstaðar en kynnt sérstaklega fyrir eftirtöldum aðilum:
Bæjarfulltrúum (aðal- og varamenn), bæjarstjóra, sviðsstjóra stjórnsýslu- og fjármálasviðs, sviðsstjóra velferðar- og mannréttindasviðs og öldungaráði.

Bæjarráð samþykkir stofnun starfshóps um Jaðarsbakkaverkefnið sbr. meðfylgjandi drög að erindisbréfi hópsins og vísar til bæjarstjórnar til endanlegrar ákvörðunar.
Bæjarráð felur bæjarstjóra frekari úrvinnslu málsins.

Samþykkt 3:0

Lagt fram.
Næsti fundur nefndarinnar er 2. september nk.

Mögulegt rekstrarform Höfða hefur verið til skoðunar hjá stjórn Höfða.

Bæjarráð felur bæjarstjóra að vinna drög að erindisbréfi fyrir starfshóp á vettvangi eigenda heimilisins, þ.e. Akraneskaupstað og Hvalfjarðarsveit, og leggja fyrir næsta fund ráðsins. Eðli máls samkvæmt verði haft samráð við Hvalfjarðarsveit um tilnefningar fulltrúa af þeirra hálfu í starfshópinn sem og um efnisatriði væntanlegs erindisbréf.

Samþykkt 3:0