Bæjarráð

Tillaga að fyrirkomulagi skráningardaga fyrir skólaárið 2024-2025 var lögð fram á fundi skóla- og frístundaráðs 5. júní 2024. Ráðið samþykkti að vísa málinu til afgreiðslu í bæjarráð.

Dagný Hauksdóttir sviðsstjóri skóla- og frístundasviðs situr fundinn undir þessum dagskrárliðum nr. 2 og nr. 3.

Skóla- og frístundaráð leggur til við bæjarráð að samþykktar verði framlagðar tillögur skólastjórnenda að breytingum á gjaldskrá TOSKA. Felast þær í viðbótar gjaldaliðum, forskóla II, Suzukinámi og útfærslu á söngnámi.

Fram kemur í skýrslu starfshóps um bæjarhátíðina Írska daga að á undanförnum árum hefur orðið aukning á áhættuhegðun ungmenna á hátíðinni þar sem notkun áfengis og vímuefna, slagsmál og útigangur hefur færst í vöxt. Þá eru einnig dæmi um að einstaka foreldrar hafi einnig sýnt af sér óæskilega hegðun og vanrækslu á börnum af sambærilegum ástæðum. Hátíðin fer fram dagana 4.-7. júlí n.k.



Skóla- og frístundaráð telur mikilvægt að bregðast við þeim ógnunum sem upp hafa komið á Írskum dögum og tekur því jákvætt í þær úrbætur sem hér eru lagðar fram, bæði í formi útivaktar Þorpsins og viðbótar bakvaktar barnaverndarþjónustu.



Viðbótarkostnaður skv. kostnaðaráætlun samtals kr. 449.624, vegna útivaktar Þorpsins á Írskum dögum, rúmast innan fjárheimilda skóla- og frístundasviðs - deild 04020 og samþykkir skóla- og frístundaráð því beiðnina.



Málinu er vísað til kynningar í bæjarráð.

Fjölskylduhátíðin Írskir dagar er haldin 4.-7. júlí n.k.

Undanfarin ár hefur aukning orðið á áhættuhegðun ungmenna á hátíðinni, þar sem notkun áfengis og vímuefna, slagsmál og útigangur hefur færst í vöx. Þá eru einnig dæmi um að einstaka foreldrar hafi einnig sýnt af sér óæskilega hegðun og vanrækslu á börnum af sambærilegum ástæðum.

Bakvakt barnaverndar hefur tekið við tilkynningum frá lögreglu og farið í útköll þessa helgi, líkt og aðrar, en það hefur sýnt sig að sjaldan næst að kalla út bakvakt sökum anna lögreglu og annarra sem koma að hátíðinni. Það er mikilvægt í barnaverndarþjónustu að grípa inn í mál, barna og fjölskyldna, eins fljótt og auðið er.

Önnur sveitarfélög hafa farið þá leið, með góðum árangri, að vera með auka bakvakt barnaverndarþjónustu á útihátíðum. Þannig skapast tækifæri til að ná til barna, ungmenna og foreldra og koma máli þeirra í skjótan farveg.

Bakvaktarstarfsmenn væru þá á staðnum þar sem skemmtunin fer fram og vinna í nánu samstarfi við útivakt Þorpsins að því að tryggja velferð og farsæld barna og fjölskyldna á útihátíðinni.

Óskað er eftir aukafjárveitingu skv. meðfylgjandi kostnaðaráætlun, samtals 690.078, til að halda úti viðbótar bakvakt barnaverndarþjónustu á Írskum dögum.



Á fundi Velferðar- og mannréttindaráð þann 07.06.24 var bókað að ráðið telur mikilvægt að bregðast við þeim ógnunum sem upp hafa komið á írskum dögum og tekur því jákvætt í þær úrbætur sem hér eru lagðar fram, bæði í formi útivakta Þorpsins og viðbótar bakvakt barnaverndarþjónustu.



Ráðið samþykkir aukafjárveitingu skv. kostnaðaráætlun, samtals 690.078 kr. til að halda úti útibakvakt barnaverndarþjónustu á Írskum dögum 2024.

Velferðar- og mannréttindaráð vísaði málinu til kynningar í bæjarráði.

Beiðni frá Festi um frest á afhendingu lóðar að Dalbraut 14, 300 Akranesi.

Deiliskipulagsrammi vegna breytinga á aðal- og deiliskipulagi Smiðjuvalla, deiliskipulagsrammi inniheldur stefnumörkun Akraneskaupstaðar um þróun svæðisins til langs tíma.

Skipulags- og umhverfisráð leggur til að bæjarstjórn samþykki fyrirliggjandi deiliskipulagsramma fyrir Smiðjuvelli um stefnumörkun um svæðið.

Unnið hefur verið að útfærslu samkomulags vegna mannvirkjanna.

Gert er ráð fyrir eigendafundi allra eigenda föstudaginn 28. júní nk.

Aðalfundur Faxaflóahafna sf., kt. 530269-7529, verður haldinn föstudaginn 21. júní 2024 kl. 15:00 í fundarsal á 3. hæð í Hafnarhúsinu við Tryggvagötu 17, Reykjavík.

Minnisblað um stöðu verkefnisins Grænir iðngarðar í Flóahverfi.

Valdís Eyjólfsdóttir verkefnastjóri og Halla Marta Árnadóttir skipulagsfulltrúi sitja fundinn undir þessum dagskrárlið.

Skipulags- og umhverfisráð vísar málinu til bæjarráðs og í framhaldinu til bæjarstjórn.

Tillaga varðandi gjaldskrá atvinnulóða í Flóahverfi.

Skipulags- og umhverfisráð samþykkir breytingar á gjaldskrá og vísar málinu til bæjarráðs til afgreiðslu.

Til staðar í mörgum stofnunum Akraneskaupstaðar eru öryggismyndavélar/rafræn vöktun á grundvelli öryggisjónarmiða og/eða eignavörslu og nauðsynlegt er fyrir Akraneskaupstað að setja sér reglur til samræmis við kröfur laga um persónuvernd og vinnslu persónuupplýsinga nr. 90/2018 og reglur nr. 837/2006 um rafræna vöktun og meðferð persónuupplýsinga, vegna þessa.

Áætlað er að halda akstursíþróttakeppni í motorcrossbrautinni á Akranesi þann 29. júní næstkomandi og er óskað umsagnar Akraneskaupstaðar vegna þessa.

Tækifærisleyfi - Lopapeysan á Írskum dögum 2024 - breytt umsókn.

Tækifærisleyfi á Írskum dögum 2024 - Lighthouse restaurant ehf.

(Meðfylgjandi er tölvupóstur með ósk um breytingar umsæækjanda, ekki hægt að breyta umsókninni sjálfri)

Útgerðin bar - tækifærisleyfi vegna lengri opnunartíma á Írskum dögum 2024.

Frumkvæðisúttekt Gæða- og eftirlitsstofnunar velferðarmála GEV á búsetukjörnum fatlaðra í sveitarfélögum á landsvísu. Skila á niðurstöðum ásamt úrbótaáætlun eigi síðar en 1. okt. 2024. Óskað er eftir heimild til að ráða verktaka til að taka út þjónustu í þremur búsetukjörnum fatlaðra á Akranesi.



Á fundi Velferðar- og mannréttindaráð þann 07.06.24 var samþykktur meðfylgjandi viðauki sem snýr að frumkvæðisúttekt að beiðni Gæða- og eftirlitsstofnunar velferðarmála (GEV) á búsetukjörnum fatlaðra hjá sveitarfélögum. Um er að ræða lögbundna skyldu sveitarfélaga að sinna innra eftirliti með þjónustu við fatlað fólk skv. 5. gr. laga um þjónustu við fatlað fólk með langvarandi stuðningsþarfir nr. 38/2018 og laga um Gæða og eftirlitsstofnun nr. 88/2021.



Velferðar- og mannréttindaráð vísaði beiðninni til endanlegrar afgreiðslu í bæjarráði.

Alþingi samþykkti í maí 2024 lagafrumvarp um breytingar á lögum um húsnæðisbætur. Markmið laganna er að styðja við nýgerða kjarasamninga til fjögurra ára á almennum vinnumarkaði með því að hækka húsnæðisbætur og auka þannig ráðstöfunartekjur heimilanna og draga úr íþyngjandi húsnæðiskostnaði leigjenda.



Við breytingarnar verður annars vegar tekið aukið tillit til fjölda heimilisfólks við útreikning húsnæðisbóta. Þannig munu grunnfjárhæðir og frítekjumörk vegna húsnæðisbóta taka til allt að sex heimilismanna í stað fjögurra áður. Tveir flokkar grunnfjárhæða húsnæðisstuðnings bætast við vegna fimm eða sex heimilismanna og þá hækka einnig frítekjumörk vegna heimila þar sem fimm eða sex búa.



Hins vegar hækkar grunnfjárhæð húsnæðisbóta til einstaklingsheimila um 25% frá því sem nú gildir. Aðrar grunnfjárhæðir hækka til samræmis. Skerðingarmörk vegna eigna hækka einnig í 12,5 m.kr. en þau eru 8 m.kr. í dag. Þannig munu húsnæðisbætur ekki falla niður fyrr en samanlagðar heildareignir heimilis ná 20 m.kr.



Á fundi Velferðar- og mannréttindaráðs þann 07.06.24 var það lagt til við bæjarráð að þakið á sérstökum húsnæðisstuðningi verði hækkað úr 80.000 kr. í 90.000 kr. í ljósi laga um breytingar á lögum um húsnæðisbætur nr. 75/2016.

Mánaðaryfirlit janúar - apríl 2024.

Kristjana Helga Ólafsdóttir situr fundinn undir þessum dagkrárlið.

Yfirferð um stöðu verkefnisins.

Erindi orlofsnefndar Mýra- og Borgarfjarðarsýslu til bæjarráðs um endurskoðun á greiðslu húsmæðraorlofs 2024.

Erindi Brims hf. þar sem óskað er eftir viðræðum við bæjaryfirvöld um uppbyggingu á Breiðinni.

Erindi NH-2 ehf. varðandi gatnargerðar- og innviðagjöld í tengslum við fyrirhugaða uppbyggingu á Stillholts/Dalbrautar.