Bæjarstjórn

Bæjarráð samþykkti á fundi sínum þann 16. nóvember sl. tillögu skipulags- og umhverfisráðs um að gjaldskrá gatnagerðargjalda við Sementsreit verði 25% hærri en almenn gatnagerðargjaldskrá Akraneskaupstaðar að undanskildum gjaldflokki um einbýlishús.

Bæjarráð vísar ákvörðuninni til staðfestingar í bæjarstjórn Akraness.

Bæjarráð samþykkti á fundi sínum þann 16. nóvember sl. breytingar á reglum um úthlutun lóða. Breytingarnar eru gerðar til samræmis við nýja gjaldskrá gatnagerðargjalds á Akranesi.

Bæjarráð vísar reglunum til staðfestingar í bæjarstjórn Akraness.

Bæjarráð tók fyrir erindi Höfða hjúkrunar- og dvalarheimilis um endurbætur á 2. hæð á fundi sínum þann 29. október sl.

Bæjarráð telur ekki forsvaranlegt að fara í verkefnið án nýrrar umsóknar miðað við þær breyttu forsendur sem blasa eftir endurskoðun kostnaðaráætlunar. Að auki eru aðstæður í samfélaginu í dag þannig að erfitt er að sjá hvernig unnt sé að hafa hóp iðnaðarmanna að störfum á heimilingu á næstunni en bæjarráð er sammála stjórn Höfða um að knýjandi þörf er á endurbótum á húsnæðinu. Stærra viðfangsefni er hins vegar hið fjárhagslega umhverfi sem ríkisvaldið hefur búið sveitarfélaginu sem rekstararaðila þjónustu þessa málaflokks sem raunverulega er alfarið á ábyrgð ríkisins að veita. Ljóst er að núverandi fyrirkomulag gengur tæplega lengur og aðgerða þörf en nokkur sveitarfélög hafa tekið ákvörðun um að skila verkefninu til baka til ríkisins.

Bæjarráð samþykkti að standa straum af fyrirliggjandi hönnunarkostnaði en sú fjárfesting mun nýtast verði sótt um að nýju á næsta ári er opnað verður fyrir umsóknir í Framkvæmdasjóð aldraðra.

Bæjarráð samþykkti viðauka nr. 30 og vísaði viðaukanum til bæjarstjórnar til endanlegrar samþykktar. Ráðstöfuninni verði mætt með lækkun á handbæru fé.

Skóla- og frístundaráð samþykkti á fundi sínum úthlutun vegna náms starfsmanna leikskólanna í leikskólakennarafræðum. Afgreiðslu vísað til bæjarráðs sem samþykkti viðauka nr. 31 vegna þessa og vísar viðaukanum til staðfestingar í bæjarstjórn Akraness.

Velferðar- og mannréttindaráð samþykkti á 135. fundi sínum þann 16. september 2020 fyrirliggjandi drög að reglum Akraneskaupstaðar um íþrótta- og tómstundastyrk fyrir börn á tekjulágum heimilum og vinnulag vegna úthlutunar. Ráðið tók málið einnig fyrir á 140. fundi sínum þann 18. nóvember 2020 og samþykkti tillögu að breytingum sem sneru að umsóknarferlinu.

Reglurnar eru byggðar á samþykkt ríkisstjórnarinnar sem í fjáraukalögum fyrir árið 2020, sbr. lög nr. 26/2020, nr. 36/2020, um afmarkaðar og tímabundnar ráðstafanir til að bregðast við áhrifum COVID-19 faraldursins. Samþykkt var 600 m.kr. framlag til sveitarfélaga í því skyni að gera þeim kleift að veita styrki til tekjulágra heimila þannig að öll börn geti óháð efnahag stundað íþróttir og aðrar tómstundir.

Reglur Akraneskaupstaður eru í samræmi við leiðbeiningar félagsmálaráðuneytisins um úthlutun sérstakra íþrótta- og tómstundastyrkja fyrir börn á tekjulágum heimilum.

Bæjarráð samþykkti reglunar á fundi sínum þann 20. nóvember og vísaði til bæjarstjórnar til endanlegrar afgreiðslu.

Vegna breytinga á tímaáætlun vegna framlagningar fjárhagsáætlunarinnar og umfjöllunar um hana í bæjarstjórn Akraness er gert ráð fyrir að bæjarstjórnarfundir verði þann 1. og 15. desember og að fundurinn þann 8. desember falli niður.

3435. fundargerð bæjarráðs frá 12. nóvember 2020.
3436. fundargerð bæjarráðs frá 15. nóvember 2020.
3437. fundargerð bæjarráðs frá 16. nóvember 2020.
3439. fundargerð bæjarráðs frá 20. nóvember 2020.

180. fundargerð skipulags- og umhverfisráðs frá 16. nóvember 2020.

147. fundargerð skóla- og frístundaráðs frá 19. nóvember 2020.

139. fundargerð velferðar- og mannréttindaráðs frá 11. nóvember 2020.
140. fundargerð velferðar- og mannréttindaráðs frá 18. nóvember 2020.

199. fundargerð stjórnar Faxaflóahafna frá 13. nóvember 2020.

293. fundargerð stjórnar Orkuveitu Reykjavíkur frá 24. ágúst 2020.
294. fundargerð stjórnar Orkuveitu Reykjavíkur frá 28. september 2020.
295. fundargerð stjórnar Orkuveitu Reykjavíkur frá 5. október 2020.
296. fundargerð stjórnar Orkuveitu Reykjavíkur frá 26. október 2020.