Fjölskylduráð (2009-2014)

Á fundinn mættu Magnús V. Benediktsson skólastjóri Brekkubæjarskóla og Hrönn Ríkharðsdóttir skólastjóri Grundaskóla áheyrnafulltrúar skólastjórnenda, Borghildur Birgisdóttir og Hjördís Dögg Grímarsdóttir áheyrnafulltrúar kennara og Elísabet Einarsdóttir áheyrnafulltrúi foreldra frá Skagaforeldrum.
Svala Hreinsdóttir deildarstjóri skólaþróunar og sérfræðiþjónustu lagði fram upplýsingar um skólastarf í tölum 2014-2015.

Hrönn og Magnús gerðu grein fyrir þeirri vinnu sem farið hefur verið í og er framundan við innleiðingu og endurskoðun skólanámskrár.

Starfsáætlanir Brekkubæjarskóla og Grundaskóla lagðar fram. Skólastjórnendur fóru yfir áherslur skólaársins 2014-2015.

Helga Gunnarsdóttir framkvæmdastjóri fjölskyldusviðs lagði fram minnisblað um stöðumat skóladagvistar. Umfjöllun um frítímaþjónustu við grunnskólanemendur í 1. - 4. bekk hefur ekki farið fram á vettvangi miðlægrar stjórnsýslu né fagnefndar Akraneskaupstaðar um margra ára skeið. Fagleg orðræða og þróun hefur hins vegar verið umtalsverð á undanförnum árum og því er hér lagt til að stofnaður verði starfshópur sem fjallar um málefni skóladagvista við grunnskólana á Akranesi. Starfshópurinn verði skipaður deildarstjórum skóladagvista, stjórnendum grunnskóla, verkefnisstjóra æskulýðs- og forvarnarmála og fulltrúa fjölskyldusviðs.
Fjölskylduráð samþykkir að starfshópur verði skipaður til að leggja stöðumat á starf skóladagvistar.

Fjölskylduráð staðfestir þennan fundartíma.

Svala Hreinsdóttir deildarstjóri skólaþróunar og sérfræðiþjónustu lagði fram sameiginlega starfsþróunaráætlun skóla 2014-2015.
Magnús, Hrönn, Borghildur, Hjördís og Elísabet viku af fundi kl. 17:40.

Brynhildur Björg Jónsdóttir leikskólastjóri Vallarsels lagði fram bréf fyrir hönd leikskólastjóra á Akranesi á síðasta fundi fjölskylduráðs um mikilvægi þessa að auka við stöðuhlutfall talmeinafræðings í sérfræðiþjónustu fjölskyldusviðs með starfssvið í leikskólum. Fjölskylduráð óskaði eftir frekari upplýsingum um kostnað við aukningu á stöðuhlutfalli og tölulegar upplýsingar um tilvísanir til talmeinafræðings frá Helgu Gunnarsdóttur framkvæmdastjóra. Helga lagði fram minnisblað um áætlaðan kostnað vegna aukningar stöðu talmeinafræðings í leikskólum úr 25% í 80%.
Fjölskylduráð leggur til við bæjarráð veitt verði fjárveiting í þessa stöðuaukningu frá og með 1. janúar 2015.