Menningar- og safnanefnd

Jóni Allanssyni forstöðumanni Safnasvæðisins er falið að rita bréf til leigusala þar sem fram kemur að ekki verði óskað eftir framlengingu á leigusamingi sem rennur út 31. desember 2015. Forstöðumanni jafnframt falið að skoða kosti varðandi geymsluhúsnæði til bráðabirgða í samráði við tæknideild. Áformað er að geymslur safnsins verði í framtíðinni á Safnasvæðinu.

Tölvupóstur, dagsettur þann 28. ágúst 2015, frá rekstraraðilum Garðakaffis lagður fram en þar kemur fram að þær fyrirhuga ekki rekstur í vetur. Samingurinn, með möguleika á framlengingu, rennur út þann. 31. ágúst 2015.
Forstöðumanni falið að leysa málefni Garðakaffis frá 1. september 2015 þar til annað verður ákveðið.
Nefndin fjallaði um endurskoðun og hugsanlegar breytingar á opnunartíma Safnasvæðisins í vetur.

Forstöðumenn fóru í stuttu máli yfir áherslur og óskir b. liðs í tíma og verkáætlunar fyrir hvert safn fyrir sig.

Verkefnastjóri leggur fram drög að fjárhagsáætlun vegna Vökudaga 2015 ásamt dagskrárdrögum en hátíðin verður haldin dagana 29. október til 8. nóvember nk. Tónlistarskólinn á Akranesi fagnar 60 ára afmæli þann 4. nóvember nk. Af því tilefni leggur nefndin til að kastljósi Vökudaga í ár verið beint þangað.
Eru þeir sem hafa áhuga á að vera með dagskrárlið á Vökudögum hvattir til að hafa samband við Önnu Leif Elídóttur, verkefnastjóra í menningartengdum verkefnum í tölvupósti á netfangið anna.leif.elidottir@akranes.is.
Halldóra Jónsdóttir víkur af fundi kl. 19.50.
Guðmundur Claxton víkur af fundi kl. 20.00.
Jón Allansson víkur af fundi kl. 20.30.

Menningar- og safnanefnd fagnar því að Dúmbó og Steini verði með stórdansleik þann 7. nóvmeber nk. Nefndin bendir á að æskilegt sé að viðburðir séu opnir almenningi til að flokkast sem hluti af formlegri dagskrá Vökudaga en tekur málið til efnislegrar skoðunar. Verkefnastjóra falið að koma áliti nefndarinnar til bæjarráðs.

Nefndin felur verkefnastjóra að opna fyrir tilnefningar til menningarverðlauna 2015 á heimasíðunni.