Menningar- og safnanefnd

Menningar- og safnanefnd telur staðsetningu grenndargáma við safnasvæðið geta skaðað imynd svæðisins og telur æskilegt að finna þeim nýjan stað. Mikilvægt er að hugað sé að örari tæmingu gámanna á meðan þeir eru staðsettir á safnasvæðinu til að gæta að ásýnd svæðisins.

Menningar- og safnanefnd vísar málinu til afgreiðslu í skipulags- og umhverfisráði.

Samþykkt 5:0

Menningar- og safnanefnd heimilar safnstjóra að skrásetja og ganga frá sýningunni Íþróttasafn Íslands þar sem hún er ekki opin almenningi lengur.

Samþykkt 5:0

Menningar- og safnanefnd tekur heilshugar undir áhyggjur safnstjóra af geymslumálum byggðasafnsins. Telur menningar- og safnanefnd mikilvægt að starfsfólk safnsins hefji undirbúning fyrir grisjun og frágang á þeim munum sem staðsettir eru í fjargeymsluhúsnæði safnsins.

Sviðsstjóra og verkefnastjóra er falið að vinna málið áfram í samráði við Skipulags- og umhverfissvið.

Samþykkt 5:0

Menningar- og safnanefnd felur verkefnastjóra að auglýsa eftir tilnefningum til Bæjarlistarmanns Akraness 2023 á vefsíðu Akraneskaupsstaðar. Opið verður fyrir tilnefningar til og með 8. maí.
Nefndin hvetur bæjarbúa til að koma tillögum sínum á framfæri.

Samþykkt 4:0

Menningar- og safnanefnd lýsir yfir ánægju sinni með tilfærslu fjármagns vegna ráðningar á Viðburðarstjóra fyrir Írska daga 2023.

Menningar- og safnanefnd hefur undirbúning og umræður um 17. júní og Sjómannadaginn.
Stefnt er að hefðbundnum hátíðarhöldum.

Menningar- og safnanefnd færir öllum þeim sem stóðu fyrir metnaðarfullum viðburðum kærar þakkir fyrir þeirra framlag til velheppnaðra Vetrardaga. Gaman var að sjá öflugt og fjölbreytt menningarlíf bæjarins og góða þátttöku íbúa.

Verkefnastjóri kynnir fyrirhugaðan Listavinnuskóla. Menningar- og safnanefnd er ánægð með framtakið og fagnar þessari nýjung í starfsemi Vinnuskóla Akraness.