Menningar- og safnanefnd

Menningar- og safnanefnd þakkar fyrir minnisblað frá Byggðasafninu og fagnar mikilli fagmennsku í skráningarmálum og umbótum varðandi geymslu muna í safnaskálanum. Nefndin felur verkefnastjóra að koma áleiðis beiðni um frekari útlistun á framgangi og stöðu í Bátahúsinu, þar sem áætluð sýningaropnun er á Vökudögum. Mikilvægt er að allir verkþættir haldi tímaáætlun svo frekari tafir verði ekki á verkefninu.

Menningar- og safnanefnd þakkar fyrir punkta frá forstöðumanni Héraðsskjalasafns og verkefnastjóra. Nefndin felur þeim að vinna áfram að verkefninu og koma með tillögu að útfærslu og kostnaðaráætlun til nefndarinnar fyrir næsta fund.

Menningar- og safnanefnd felur verkefnastjóra að fá tilboð í nælu og ganga frá kaupum sé tilboðið innan þeirra marka sem nefndin setur.

Nefndin óskar eftir því að verkefnastjóri kanni hvort það sé til verklag varðandi notkun á skautbúning og skarti. Sé verklagið ekki til þá óskar nefndin eftir því að slík skráning sé unnin af forstöðumanni Héraðsskjalasafns fyrir júní mánuð.

Menningar- og safnanefnd ræðir undirbúning fyrir 17. júní og felur verkefnastjóra að vinna málið áfram í samvinnu við viðburðastjóra hátíðarinnar.

Menningar- og safnanefnd setur sér tímaramma og verkáætlun fyrir árið 2025.

Vor 2025: Menningarstefna Akraneskaupstaðar uppfærð og endurútgefin.
Haust 2025: Stefnur Byggðasafnsins uppfærðar. Söfnunarstefna og skipulagsskrá.

Menningar- og safnanefnd telur mikilvægt að tryggt sé að viðeigandi starfsmenn kaupstaðarins vinni saman að stærri bæjarhátíðum svo tryggt sé að hátíðirnar fari fram með sem bestum hætti. Nefndin fagnar þeirri vinnu sem starfshópur Írskra daga vann fyrir hátíðina 2024 og tekur undir tillögu þeirra um að stofna teymi sem kemur að hátíðunum. Verkefnastjóra er falið að taka málið áfram í viðeigandi ráðum.