Skipulags- og umhverfisráð

Auglýstar breytingar á deiliskipulagi Flóahverfis fólust annarsvegar í því að breyta gatnakerfi lítilega á svæðinu og hinsvegar í tímabundinni heimild að setja upp starfsmannabústaði.
Framkomnar athugsemdir lúta einungis að mótmælum við tímabundinni heimild til að setja upp starfsmannabústaði í Flóahverfi.

Fyrirtæki sem komið var með heimild um lóðir á svæðinu hefur dregið umsókn sína til baka. Fyrir lá vilji fyrirtækisins um að nýta lóðirnar tímabundið undir starfsmannabústaði ef deiliskipulagsbreytingin hefði náð fram að ganga.

Skipulags-og umhverfisráð leggur til við bæjarstjórn að skipulagsferlinu verði hætt og þeim er gerðu athugsemdir við það verði tilkynnt um þá ákvörðun.

Sviðsstjóri kynnti útboðsgögn vegna uppbyggingar á Dalbrautarreit. Skipulags-og umhverfisráð samþykkir fyrirliggjandi gögn.

Skipulags-og umhverfisráð bendir á að tryggja þurfi betur byggingarhæfi svæðisins gagnvart athafnalóðum og óskar eftir tímasettum aðgerðum frá Veitum ohf er varðar tengingu svæðisins við fráveitukerfi bæjarins. Varðandi fráveitutengingar verði einnig horft til svæða er byggst hafa upp NA megin við Flóahverfi s.s. Höfðasel og Æðarodda.

Skipulags-og umhverfisráð óskar einnig eftir tímasetningum frá Landsnet um hvenær háspennulínur sem ná að hluta til yfir lóðir í Flóahverfi verða færðar.

Sviðsstjóri fór almennt yfir stöðu á skipulagsmálum s.s. endurskoðun aðalskipulags, skipulagbreytingar á Akraneshöfn,skipulagsbreytingar við Grenjar og breytingar við seinni hluta deiliskipulags við Skógarhverfi II.

Umhverfisstjóri fór yfir fyrirhugaðar hugmyndir að deiliskipulagi við tjaldsvæðið.

Byggingarfulltrúi kynnti málið. Skipulags- og umhverfisráð felur skipulags- og umhverfissviði að vinna málið áfram.