Skipulags- og umhverfisráð
Dagskrá
1.Deilisk. Skógahverfi 1. áfangi - Seljuskógar 1, 3 og 5
1804232
Breytingin felur í sér að heimilt verður að byggja 175m² hús í stað 155m². Grenndarkynnt var fyrir lóðarhöfum við Seljuskóga 6, 7, 8, 12 og 14 og við Asparskóga 4, 6 og 8.
Grenndakynnt var skv. 2. mgr. 44. gr. skipulagslaga nr. 123/2010. Grenndarkynningin fór fram frá 8. maí til og með 8. júní 2018. Engar athugasemdir bárust.
Grenndakynnt var skv. 2. mgr. 44. gr. skipulagslaga nr. 123/2010. Grenndarkynningin fór fram frá 8. maí til og með 8. júní 2018. Engar athugasemdir bárust.
Skipulags- og umhverfisráð leggur til við bæjarstjórn að deiliskipulagsbreytingin verði samþykkt og send Skipulagsstofnun og auglýsing um gildistöku birt í B-deild Stjórnartíðinda.
2.Deilisk. Sementsreit - strompur
1804231
Tillaga að breytingu á deiliskipulagi Sementsreits, sem felur í sér heimild að fjarlægja (sements)strompinn.
Skipulags og umhverfisráð leggur til við bæjarstjórn að breytingartillagan verði auglýst skv. 1. mgr. 43. gr. skipulagslaga nr. 123/2010.
3.Deilisk. - Stofnanareitur - Vesturgata breyting v/ fimleikahúss
1703203
Lagðar fram aðalteikningar að nýju fimleikahúsi á stofnanareit við Vesturgötu 120 og 130.
Lagðar fram aðalteikningar að nýju fimleikahúsi á stofnanareit á lóð við Vesturgötu 120 og 130.Í kjallara verður lagnagangur/tæknirými sem ekki var gert ráð fyrir í frumáætlunum og deiliskipulagi. Til samræmis er nýtingarhlutfall lóðar breytt úr 0,50 í 0,52. Stækkunin skerðir ekki hagsmuni nágranna hvað varðar landnotkun, útsýni, skuggavarp eða innsýn og telst því óverulegt frávik frá gildandi deiliskipulagi, sem samþykkt var 12.9.2017, sbr. 3. mgr. 43. gr. skipulagslaga nr. 123/2010.
Með vísan í 3. mgr. 43. gr. skipulagslaga samþykkir umhverfis- og skipulagsráð að leggja til við bæjarstjórn að byggingarleyfi verði afgreitt í samræmi við þá grein.
Með vísan í 3. mgr. 43. gr. skipulagslaga samþykkir umhverfis- og skipulagsráð að leggja til við bæjarstjórn að byggingarleyfi verði afgreitt í samræmi við þá grein.
4.Fjárfestinga- og framkvæmdaáætlun 2018-2022.
1710116
Fjárfestinga- og framkvæmdaáætlun fyrir árið 2018.
Lögð fram til kynningar.
Fundi slitið - kl. 18:40.
