Skipulags- og umhverfisráð

Skipulags- og umhverfisráð þakkar Árna Ólafssyni skipulagshönnuði góða kynningu.

Sviðsstjóri fór yfir tölulegar upplýsingar varðandi uppbyggingu á Sementsreit. Í framhaldinu var rætt um þá kosti sem fyrir liggja til að hefja uppbyggingu á reitnum.

Sævar Freyr Þráinsson bæjarstjóri og Sigurður Páll Harðarson sviðsstjóri véku af fundi eftir þennan dagskrárlið.

Skipulags- og umhverfisráð þakkar Karli Jóhanni Haagensen verkefnastjóra greinargóða kynningu.

Skipulags- og umhverfisráð samþykkir fyrirliggjandi tillögu um 12,5% hækkun launataxtanna milli ára. Samþykktinni er vísað til staðfestingar í bæjarráði.

Umhverfisstjóri fór yfir rekstur og fyrirhugaðar framkvæmdir til næstu ára á stofnanalóðum Akraneskaupsstaðar.

Skipulags- og umhverfisráð felur umhverfisstjóra að koma til móts við umleitanir Fjáreigendafélags Akraness eins og aðstæður leyfa.

Sigríður Steinunn Jónsdóttir verkefnastjóri fór yfir greinagerð varðandi ferjusiglingar milli Akraness og Reykjavíkur 2017. Ráðið leggur áherslu á að nú þegar sé farið að vinna undirbúningsvinnu til að tryggja sem best möguleika á því að ferjusiglingar geti hafist að nýju árið 2020. Horft verið m.a. til fyrri lærdóms í því tilliti sbr. greinargerð verkefnisstjóra.

Sævar Freyr Þráinsson bæjarstjóri tók sæti að nýju undir þessum fundarlið.

Umhverfisstjóri fóru yfir fyrirhugaðar framkvæmdir í Flóahverfi. Skipulags- og umhverfisráð felur sviðsstjóra að hefja undirbúning framkvæmda í hverfinu 2019, er taka til bundins slitlags og undirbúnings að stígagerð að því.