Skipulags- og umhverfisráð

Bæjarráð vísaði erindi frá Sorpurðun Vesturlands um hugmyndir að breyttri gjaldskrá til Skipulags -og umhverfisráðs.

Varðandi breytingar á gjaldskrá vill Skipulags- og umhverfisráð benda á nokkur atriði áður en ákvarðanir um breytingar á henni verða gerðar:

Fyrir liggi kostnaðargreining og formleg samþykkt sveitarfélaga sem standa að Sorpurðun Vesturlands á þeim aðgerðum sem fyrir liggja. Má nefna í því tilliti m.a. aðgerðir sem snúa að meðhöndlun á lífrænu sorpi eftir að hætt verður að urða það í Fíflholti og kaup á brennsluofnum vegna dýrahræja o.s.frv.

Horft verði til lífskjarasamnings þar sem samstaða er um að hámarksverðhækkanir gjaldskráa skulu ekki verða meiri en 2.5%.

Í ljósi þess að stefnt er að því að hætta að urða lífrænt sorp í Fíflholti 2021 telur Skipulags - og umhverfisráð mikilvægt að sem fyrst verði fundinn farvegur um meðhöndlun á því sorpi í samvinnu við Sorpurðun Vesturlands.