Skipulags- og umhverfisráð

Lögð fram drög að greinargerð Verkís um loftgæði í Grundaskóla. Alfreð Alfreðsson rekstrarstjóri áhaldahúss fór yfir stöðu mála.

Skipulags- og umhverfisráð leggur til eftirfarandi:

Staðbundin vandamál í unglingaálmu verði löguð sem fyrst.

Skipulags- og umhverfissvið í samstarfi við skóla- og frístundasvið komi með drög að aðgerðaráætlun varðandi aðra hluta skólans. Liðir í aðgerðaráætlun verði kostnaðarmetnir.

Skipulags- og umhverfisráð leggur til við bæjarstjórn að heimila byggingarleyfi á bílskúr í samræmi við meðfylgjandi gögn á lóð nr. 8 við Esjuvelli.

Skipulags- og umverfisráð samþykkir fyrirliggjandi greinargerð Jóns Ólafssonar verkefnastjóra um úthlutun á styrkjum til hleðslustöðva á árinu 2021.

Halla Marta Árnadóttir skipulagsfulltrúi fór yfir stöðu skipulagsmála. Farið var yfir hvað er framundan í aðskildum deiliskipulagsmálum og endurskoðun aðalskipulags Akraness.

Skipulags- og umhverfisráð samþykkir fyrirliggjandi greinargerð skipulagsfulltrúa sem svör við þeim athugasemdum sem bárust við breytingar á deiliskipulaginu.
Lagt er til við bæjarstjórn að skipulagsbreytingin verði samþykkt og send Skipulagsstofnun til yfirferðar og birt í B-deild Stjórnartíðinda.
Jafnframt er lagt til við bæjarstjórn að ofangreind greinargerð skipulagsfulltrúa verði svar bæjarstjórnar vegna þeirra athugsemda sem bárust við deiliskipulagsbreytingunni.

Lagt fram bréf Snorra Hjaltasonar um framhald máls.
Skipulags- og umhverfisráð leggur til að forsvarsmenn Golfklúbbsins Leynis verði boðaðir á næsta fund ráðsins til að ræða næstu skref.

Skipulags- og umhverfisráð leggur til við bæjarstjórn að samþykkja
framkvæmdaleyfi vegna gatnagerðir í Skógahverfi 3A, skv. 10 gr. reglugerðar um framkvæmdaleyfi nr. 772/2012.

Skipulags- og umhverfisráð felur bæjarstjóra og skipulagsfulltrúa að hafa frekara samráð við Merkjaklöpp varðandi þróun og framtíðarhugmyndir á svæðinu.

Lagt fram bréf Vegagerðarinnar vegna umferðaröryggismála við Faxabraut.

Skipulags- og umhverfisráð felur sviðsstjóra að vera í samráði við Vegagerðina varðandi lausnir á umferðaröryggismálum við Faxabraut.

Jens H Ragnarsson slökkviliðsstjóri SAH sat fundinn undir þessum dagskrárlið.

Lagt fram minnisblað Jens H Ragnarssonar um kaup á körfubíl til SAH.

Skipulags- og umhverfisráð leggur til við bæjarráð að gerður verði viðauki við fjárhagsáætlun 2021 um kaup á körfubíl.

Skipulags- og umhverfisráð felur sviðsstjóra að leggja fram greinargerð til bæjarráðs um nauðsyn á fjölgun starfa á sviðinu m.t.t. núverandi og væntanlegrar verkefnastöðu.