Skipulags- og umhverfisráð

Umfjöllun um fjárfestinga- og framkvæmdaáætlun 2024-2033. Kristjana Helga Ólafsdóttir, fjármálastjóri, og Steinar Adolfsson, sviðstjóri stjórnsýslu- og fjármála, sitja fundinn undir þessum lið.

Fundargerð 1.,2. og 3. fundar starfshóps um skipulag á Jaðarsbökkum liggja fyrir.

Umsókn lóðarhafa Sunnubraut 21 um leyfi fyrir breytingar innanhúss og breytt útlit á húsi á lóðinni. Í suðvesturhorni íbúðar á neðri hæð verður stúkað af nýtt svefnherbergi og settur nýr gluggi í útvegg. Einnig verður gluggum á norðausturhlið neðri hæðar breytt.

Umsókn frá Þrótti um breytingu á deiliskiplagi Flóahverfis. Breytingin felst í að lóð við Lækjarflóa 25 er stækkuð úr 5.791 fm í 6.211 fm eða um 420 fm í vestur. Byggingarreitur er stækkaður samræmis úr 3.133 fm í 3.456 fm eða um 323 fm. Við stækkun lóðar eykst byggingarmagn um 168 fm.

Umsókn lóðarhafa Dalbrautar 31, lóðin er á ódeiliskipulögðu svæði. Sótt er um að byggja við hús að Dalbraut 31, breyting felst að stækka húsið í suður og suð-austur um 54,5 fm. Viðbygging verður álklædd í dökkum lit með flötu þaki. Grenndarkynnt var frá 7. maí til 10. júní fyrir lóðarhöfum Dalbrautar 21, 29, 41, 43 og Esjuvalla 24 skv. 44.gr. skipulagslaga nr. 123/2010. Fjögur samþykki bárust.

Umsókn lóðarhafa Suðurgötu 126 um stækkun byggingarreits um 11,9 m2 til austurs. Byggja á lyftu við hús en núverandi lyftuhús verður fjarlægt. Grenndarkynnt var frá 3. maí til 6. júní 2024 fyrir lóðarhöfum Skagabrautar 21, 23, 24, og 25 og Jaðarsbraut 3 skv. 2. mgr. 43. gr. skipulagslaga nr. 123/2012. Engar athugasemdir bárust.

Umsókn lóðarhafa Reynigrundar 24, lóðin er á ódeiliskipulögðu svæði. Sótt er um að breyta núverandi húsi á lóð. Breytingin felst í hækkun á hámarkshæð húss, sem fer úr 3,64 m í 3,82 m. Ennfremur er sótt um breytingu á gluggum á öllum hliðum húss. Grenndarkynnt var fyrir lóðarhöfum Reynigrundar 17, 18, 22, 26 og 31 skv. 44. gr. skipulagslaga nr. 123/2010 frá 24. apríl til 27. maí 2024. Eitt samþykki barst og tvær athugasemdir.

Skipulagsfulltrúi leggur fram tillögu að svörum við athugasemdum sem bárust við grenndarkynningu.

Umsókn Löðurs ehf. um breytingu á Aðalskipulagi Akraness 2021-2033 og deiliskipulagi Flatahverfis klasi 5 og klasi 6 vegna Innnesvegar 1.

Tillaga að breytingu á deiliskipulagi Flatahverfis klasa 5 og 6 vegna Innnesvegar 1 lögð fram.

Kerfisstjóri óskar eftir að setja upp eftirlitsmyndavélar á íþróttahúsið við Vesturgötu 130. Kostnaðaráætlun er ein milljón kr.

Breytingar á deiliskipulagi Stofnanareits vegna Vesturgötu 130. Heimilt verður að koma fyrir loftræsisamstæðu á þaki lágbyggingar fyrstu hæðar við þann gafl er snýr að Háholti. Einnig verður heimilt að klæða gafla hússins með álklæðningu. Grenndarkynnt var fyrir lóðarhöfum Háholts 1 og 3, Brekkubrautar 1, Vesturgötu 123, 125, 127, 129, 131, 133 og 134. Fjórar athugasemdir bárust.

Bókasafns Akraness. Farið er að sjá all svakalega á steinteppi í aðalrými bókasafnsins.

Menningar- og safnanefnd þakkar Ingibjörgu fyrir upplýsingar um stöðu mála. Ljóst er að bregðast þarf við hið fyrsta og óskar nefndin eftir því að skipulags- og umhverfissvið meti umfang og kostnað í samráði við forstöðumann bókasafnsins. Verkefnastjóra er falið að koma málinu í farveg.

Loftlyftukerfi inn á búsetukjarnann á Laugarbraut 8. Fyrir liggur tilboð frá Öryggismiðstöðinni fyrir loftlyftur inn í þrjár íbúðir og sameignlegt baðherbergi.

Velferðar- og mannréttindaráð styður eindregið við beiðni um viðauka vegna kaups og uppsetningar á loflyftukerfi fyrir búsetukjarnann að Laugarbraut 8. Um nauðsynlegan búnað er að ræða til auka öryggi við umönnun íbúa og stuðla að bættri vinnuvernd fyrir starfsfólk.

Velferðar-og mannréttindaráð vísar erindinu til afgreiðslu í skipulags- og umhverfisráði.

Athugasemd og ósk um breytingu á bókun skipulags- og umhverfisráðs frá 22. maí síðastliðinn.

Tilboð í útboðsverk fyrir Teigasel - færanlegar kennslustofur var opnað 21.júní. Opnunarskýrsla lögð fram.