Skóla- og frístundaráð
Dagskrá
Í upphafi fundar var Nadezcu Eddu Tarasovu minnst.
1.Skóladagatal 2016-2017
1512130
Drög að skóladagatali fyrir skólaárið 2016-2017 liggja nú fyrir.
Skóla- og frístundaráð samþykkir fyrirliggjandi drög skólastjóra Brekkubæjarskóla og Grundaskóla að skóladagatali fyrir skólaárið 2016-2017.
2.Stjórnskipulag Grundaskóla
1604109
Skólastjórnendur Grundaskóla hafa ákveðið að breyta stjórnskipuriti skólans á næsta skólaári. Auglýst hefur verið eftir tveimur 50% stöðum deildarstjóra verkefna við skólann frá og með næsta skólaári.
Hrönn Ríkharðsdóttir skólastjóri Grundaskóla fór yfir fyrirhugaðar breytingar á skipuriti skólans. Undanfarin ár hafa verið starfandi við skólann verkefnisstjórar sem hafa einnig gengt stöðum umsjónarkennara. Stjórnendaheimild skólans er 3.1 stöðugildi og því fellur þessi breyting innan þeirra heimilda sem skólinn hefur til umráða.
3.Uppsögn á starfi
1604104
Lárus Sighvatsson skólastjóri Tónlistarskólans á Akranesi hefur sagt starfi sínu lausu frá og með 1. ágúst 2016. Lárus hefur stýrt öflugu tónlistarstarfi í skólanum í um 30 ár.
Skóla- og frístundaráð þakkar Lárusi fyrir vel unnin störf og óskar honum velfarnaðar í þeim verkefnum sem hann mun taka sér fyrir hendur.
Skóla- og frístundaráð felur starfandi sviðstjóra skóla- og frístundasviðs að hafa yfirumsjón með ráðningaferli á nýjum skólastjóra og ganga frá auglýsingu í samræmi við umræður á fundinum.
Skóla- og frístundaráð felur starfandi sviðstjóra skóla- og frístundasviðs að hafa yfirumsjón með ráðningaferli á nýjum skólastjóra og ganga frá auglýsingu í samræmi við umræður á fundinum.
4.Námsvist utan lögheimilissveitarfélags
1602089
Skóla- og frístundaráð samþykkir erindið.
Fundi slitið.
