Skóla- og frístundaráð

Sigurður Arnar Sigurðsson og Jófríður María Guðlaugsdóttir taka sæti á fundinum.

Skóla- og frístundaráð þakkar erindið og hvetur til þess að fundin verði varanleg lausn á fyrirkomulagi húsvörslu skólamannvirkja Akraneskaupstaðar. Skóla- og frístundaráð óskar eftir að fá kynningu frá skipulags- og umhverfissviði.

Kynning á stöðu máls.

Samþykkt að vísa erindinu til bæjarráðs.

Tillaga að endurskoðaðri gjaldskrá íþróttamannvirkja samþykkt og vísað í bæjarráð.
Tillaga að endurskoðaðri gjaldskrá tónlistarskóla Akraness samþykkt og vísað í bæjarráð

Skóla- og frístundráð leggur til að veittur verði styrkur til stuðnings afreksíþróttafólki. Unnið verði að verklagsreglum afreksstyrkja samhliða endurskoðun á úthlutunarreglum úr íþrótta- og menningarsjóði. Um væri að ræða tímamótastyrk fyrir framúrskarandi íþróttafólk, einstaklinga sem skipa sér með árangri sínum með þeim fremstu í heiminum. Þessu til hliðsjónar verði horft til afreksstefnu ÍSÍ.

Erindinu er frestað.



Sigríður Indriðadóttir víkur af fundi kl. 18:00.

Hildur Karen Aðalsteinsdóttir og Helga Sjöfn Jóhannesdóttir taka sæti á fundinum kl. 18:10.

Skóla- og frístundaráð fagnar tillögu ÍA og leggur til við bæjarráð að stofnað verði þverfaglegt teymi sem gerir tillögu að stefnumörkun og framkvæmdaáætlun Akraneskaupstaðar í átt að heilsueflandi samfélagi.

Skóla- og frístundaráð fagnar þeirri vinnu sem hefur átt sér stað hjá ÍA við gerð jafnréttisstefnu og stefnu um kynferðislega áreitni og kynferðisofbeldi sem nú er lokið. Jafnframt er vinna ÍA við gerð viðbragðs- og fræðsluáætlunar á lokastigi. Gert er ráð fyrir að allri vinnu verði lokið í byrjun apríl og áætlanir lagðar fyrir aðalfund ÍA þann 12. apríl nk.