Skóla- og frístundaráð

Skóla- og frístundaráð samþykkir að sumarleyfi leikskólanna sumarið 2023 verði fjórar vikur og að lokað verði frá 10. júlí til og með 4. ágúst.

Skóla- og frístundaráð þakkar Guðmundu og Daníel fyrir gagnlegar umræður um íþróttamál og áhugaverðar upplýsingar um fjölda iðkenda hjá Íþróttablandalagi Akraness.

Skóla- og frístundaráð samþykkir fyrirliggjandi tillögu að skóladagatali fyrir skólaárið 2023 - 2024.

Skóla- og frístundaráð þakkar fyrir málefnalegt erindi og leggur til að tekið verði saman yfirlit yfir þá kynfræðslu sem börn og ungmenni fá í skóla- og frístundastarfi á Akranesi. Verkefnastjóra á skóla- og frístundasviði falið að vinna málið áfram í samstarfi við skólastjórnendur og ungmennaráð.

Skóla- og frístundaráð þakkar fyrir góðar og málefnalegar ábendingar varðandi fyrirkomulag sundkennslu og skólamötuneyti. Ráðið hvetur ungmennaráð og skólastjórnendur til að eiga frekara samtal um erindið. Skóla- og frístundaráð telur mikilvægt að taka aftur upp umræðu um fyrirkomulag skólamötuneyta hjá Akraneskaupstað.

Skóla- og frístundaráð þakkar Sigurði Arnari Sigurðssyni skólastjóra Grundaskóla fyrir erindið og vísar málinu til frekari úrvinnslu á skipulags- og umhverfissviði. Sviðsstjóra falið að fylgja málinu eftir.