Skóla- og frístundaráð

Foreldrafélag leikskólans Akrasels vekur athygli á atriðum er snúa að auknu öryggi og vellíðan barna í leikskólanum. Lagt er til að sett verði upp lágt grindverk á útisvæði til að aðgreina yngstu börnin frá þeim elstu. Að gerðar verði úrbætur vegna loftskipta í fataherbergjum og að útbúinn verði fótboltavöllur fyrir börnin. Skóla- og frístundaráð þakkar fyrir erindið og vísar því til umfjöllunar hjá skipulags- og umhverfisráði.

Skóla- og frístundaráð þakkar fyrir góða og gagnlega yfirferð á niðurstöðum Skólapúlsins sem varpa ljósi á og styðja við það gæðastarf sem unnið er í leikskólunum.

Skóla- og frístundaráð þakkar fyrir kynninguna og staðfestir starfsáætlun Teigasels fyrir skólaárið 2024-2025.

Skóla- og frístundaráð áréttar að í samræmi við Reglur Akraneskaupstaðar um æfinga- og keppnisaðstöðustyrki gengur barna- og unglingastarf fyrir öðrum við niðurröðun æfingatíma í tímatöflu íþróttamannvirkja Akraneskaupstaðar, þ.m.t. í reiðhöll. Ráðið felur sviðsstjóra og forstöðumanni íþróttamála- og íþróttamannvirkja að fylgja eftir ákvæðum húsaleigumsamnings milli Akraneskaupstaðar og Dreyra með reglubundnu samtali við stjórn Dreyra.

Skóla- og frístundaráð tekur undir mikilvægi þess að unnar verði verklagsreglur vegna námsvistar utan lögheimilissveitarfélags. Sviðsstjóra og verkefnastjóra falið að vinna málið áfram.

Skóla- og frístundaráð tekur jákvætt í erindið og leggur til við bæjarráð að heimila endurgjaldslaus afnot af húsnæði Akraneskaupstaðar vegna myndlistanámskeiðs 2025. Námskeiðið verður í 10 vikur og skráningar mun fara fram í gegnum Abler.