Skólanefnd Fjölbrautaskóla Vesturlands (2001-2009)

Fundur Í skólanefnd Fjölbrautaskóla Vesturlands haldinn í fundarsal skólans þriðjudaginn 18. júní 2002 kl. 13:00.

Mætt voru: Hörður Ó. Helgason skólameistari,
 Atli Harðarson aðstoðarskólameistari,
 Þorgeir Jósefsson, formaður skólanefndar,
 Borghildur Jósúadóttir,
 Guðrún Jónsdóttir,
 Sigurgeir Sveinsson, fulltrúi kennara,
 Sigríður Finsen,
 Ásgeir Helgi Gylfason, fulltrúi nemenda.

Forföll boðaði: Bergþóra Jónsdóttir.

1. Upplýsingar um innritun og námsframboð 2002.

Fjöldi nemenda skráður á haustönn 2002:
Á Akranesi 640 nemendur í dagskóla.
Í Snæfellsbæ eru 9 umsóknir.
Í Stykkishólmi eru 14 umsóknir.

Innritun í verknámsdeildir.
Aðsókn í verknámið er almennt séð góð, 93 nemendur eru skráðir í verknámsdeildirnar þrjár.  Rafeindavirkjun verður þó ekki kennd á næsta skólaári.  Vélvirkjun verður ekki heldur á næsta skólaári.  Mjög  góð aðsókn er í grunndeild tréiðna.

2. ?Útibúin? á Snæfellsnesi, staða og horfur.

Töluverðar umræður urðu um þennan lið.  Niðurstaðan er sú að boðið verður upp á nám í Stykkishólmi en nám í Ólafsvík verður ekki í boði haustönn 2002.  Ákvörðun verður endurskoðuð við innritun á vorönn 2003.

Bókun:  Sigríður Finsen situr hjá við þessa ákvarðanatöku.

3. Fundur í menntamálaráðuneyti þann 15. maí s.l.

Niðurstaða fundarins:
a) FVA verður að breyta nýtingum á kennslumagni.
b) Endurskoðun á reiknilíkani, sem myndi bæta stöðu skólans, hefur ekki ennþá verið samþykkt og ekki líklegt að það verði notað við gerð fjárlaga fyrir 2003.

Skólanefnd lýsir enn á ný áhyggjum sínum vegna fjárhagsstöðu skólans og þessum endalausa drætti á endurskoðun reiknilíkansins.

4. Ráðningar í störf.

a) 5 umsóknir bárust um stöðu frönskukennara.  Katrín Jónsdóttir, MA og fyrri hluti DEA ráðin.  Katrín hefur leyfisbréf sem framhaldsskólakennari.
b) 8 umsóknir bárust um stöðu enskukennara.  Ævar Buthmann, BA í ensku og þýsku og hluta af cand mag. í ensku.  10 ára kennslureynsla í framhaldsskóla ráðinn.  Ævar  hefur leyfisbréf sem framhaldsskólakennari.
c) 4 umsóknir bárust um stöðu félagsfræðikennara.  Kristján E. Guðmundsson, cand mag. í félagsvísindum og ?diploma? nám í alþjóðlegri markaðsfærslu.  Hefur 11 ára kennslureynslu í framhaldsskóla og hefur leyfisbréf sem framhaldsskólakennari.
d) Erindi Ásdísar Kristinsdóttur um framlengingu á leyfi hafnað.
e) Auglýst hefur verið laus staða heimavistarstjóra FVA.  Skólameistari kynnti 5 umsækjendur sem sóttu um stöðuna.  Ákvörðun um ráðningu liggur ekki fyrir.

5. Önnur mál.

a) 115 umsóknir um heimavist næsta skólaár.
b) Gjaldtaka fyrir tölvunotkun á haustönn verði  500.- kr./önn.   Prentun verði  1.000.- kr. fyrir hver 100 blöð.

  Fundi slitið kl. 15:24.

 Borghildur Jósúadóttir fundarritari.