Starfshópur um atvinnu- og ferðamál (2013-2014)

Hilmar Sigvaldason sagði frá starfseminni sem verið hefur í vitanum á Breiðinni sumarið 2013. Í lok ágúst hafa 2155 gestir heimsótt Vitann. Unnið er að fyrirkomulagi með opnun í vetur.

Fjöldi ferðamanna í upplýsingamiðstöð ferðamanna í lok ágúst eru 946 en á sama tíma í fyrra 861. Rætt var um opnun í vetur í samstarfi við starfsfólk Símenntunar Vesturlands.

Umræður voru um fyrirkomulag og væntanlegt efni á almennum fundi um stefnumótun í atvinnu- og ferðamálum. Markmið fundarins voru:

1. Að efla fyrirtæki sem eru á Akranesi til að auka verðmætasköpun og sjölga störfum.

2. Að fá ný fyrirtæki til Akraness, til að auka fjölbreytni og fjölga störfum.

Rætt um uppsetningu og staðsetningu á upplýsingaskiltum fyrir ferðamenn, sem áhugi er fyrir að setja upp við þjóðveginn og við Akraneskaupstað.