Starfshópur um atvinnumál (2011-2013)
11. fundur starfshóps um atvinnumál, haldinn í fundarherbergi 1. hæð, Stillholti 16-18,
mánudaginn 26. september 2011 og hófst hann kl. 20:00
Fundinn sátu:
Hörður Svavarsson, aðalmaður
Ólafur Adolfsson, aðalmaður
Sævar Freyr Þráinsson, aðalmaður
Guðni Tryggvason, aðalmaður
Ingibjörg Valdimarsdóttir (IV), formaður
Guðjón Steindórsson, verkefnisstjóri
Fundargerð ritaði: Guðjón Steindórsson, verkefnastjóri.
Fyrir tekið:
1. 1106158 - Innovit - atvinnu- og nýsköpun
Kristján Freyr Kristjánsson, framkvæmdastjóri Innovit, mætti til fundarins og kynnti nýsköpunar- og athafnahelgi fyrir nefndinni.
Mikill áhugi er hjá nefndinni að halda á Akranesi nýsköpunar- og athafnahelgi og var því komið á framfæri við framkvæmdastjóra Innovit. Nánari upplýsingar er hægt að skoða á vefsíðu helgarinnar www.anh.is
2. 1107114 - Atvinnumálanefnd
Bæjarstjórn samþykkti á fundi sínum þann 13. september 2011 tilnefningu í starfshóp um atvinnumál. Starfshópinn skipa Ingibjörg Valdimarsdóttir formaður, Hörður Svavarsson, Ólafur Adolfsson, Guðni Tryggvason og Sævar Freyr Þráinsson.
Erindisbréf lagt fram.
3. 1109059 - Almenningssamgöngur milli Vesturlands og höfuðborgarsvæðisins
Könnun á ferðatilhögun Akurnesinga milli Akraness og höfðuborgarsvæðisins.
Farið var yfir drög að könnun á ferðatilhögun Akurnesinga milli Akraness og höfuðborgarsvæðisins. Verkefnastjóra er falið að vinna úr athugasemdum nefndarmanna og vinna áfram að könnuninni ásamt því að fá tilboð í framkvæmd hennar.
4. 1109151 - Framleiðsla á innrennslislyfjum
Samningur við Centra, fyrri hluti, vegna framleiðslu innrennslislyfja á Akranesi.
Starfshópurinn samþykkir að ganga til samninga við Centra fyrir allt að 400 þús.kr. fyrir vinnslu minnisblaðs vegna framleiðslu innrennslislyfja á Akranesi. Jafnframt er búið að sækja um styrk til fjármögnunar verksins sem gæti komið upp í þennan kostnað að öllu leyti.
5. 1109152 - Almenningssamgöngur milli Akraness og höfuðborgarsvæðisins - Vegagerðin
Uppsögn á samningi Vegagerðarinnar, dags. 21.9.2011, um almenningssamgöngur milli Akraness og höfuðborgarsvæðisins.
Lagt fram.
Fleira ekki gert, fundi slitið kl. 22:00.
