Starfshópur um atvinnumál (2011-2013)
25. fundur starfshóps um atvinnumál, haldinn í fundarherbergi 1. hæð, Stillholti 16-18, 30. janúar 2013 og hófst hann kl. 20:00
Fundinn sátu:
Ingibjörg Valdimarsdóttir (IV), formaður
Hörður Svavarsson, aðalmaður
Ólafur Adolfsson, aðalmaður
Sævar Freyr Þráinsson, aðalmaður
Guðni Tryggvason, aðalmaður
Guðjón Steindórsson, verkefnisstjóri
Fundargerð ritaði: Guðjón Steindórsson, verkefnastjóri.
Fyrir tekið:
1. 1301525 - Félag ferðaþjónustuaðila á Akranesi 2013
Magnús Freyr Ólafsson mætti á fundinn.
Magnús Freyr sagði frá starfsemi Félags ferðaþjónustuaðila á Akranesi. Einnig upplýsti Magnús Freyr næstu skref varðandi opnun og rekstur Akranesvita í sumar. Á fundinum voru lögð fram drög að samningi milli Siglingastofnunar Íslands og Akraneskaupstaðar um afnot af vitanum.
2. 1210067 - Sóknaráætlun landshlutasamtaka - samráðsvettvangur landshlutasamtaka
Fyrir fundinum lá önnur útgáfa til umræðu.
3. 1211128 - Vinna og virkni - átak til atvinnu 2013
Farið var yfir meginmarkmið verkefnisins.
4. 1211119 - IPA styrkir 2013
Á fundinum var lagt fram bréf frá bæjarstjóra þess efnis að bæjarstjórn Akraneskaupstaðar hefði samþykkt fjárveitingu að fjárhæð 1,0 mkr. til að mæta kostnaði við undirbúning að umsókn á árinu 2013.
5. 1301522 - Atvinnumálastefna Akraneskaupstaðar
Ákveðið var á fundinum að fela verkefnastjóra að taka saman atvinnustefnu liðinna ára hjá Akraneskaupstað til upplýsingar og skoðunar.
Fleira ekki gert, fundi slitið kl. 22:15.
