Starfshópur um samráð og stefnumótun aldraðra

Sigurður Páll fór yfir samskipti sem hann hefur átt við aðila sem hugsanlega geta tekið að sér það verkefni að byggja á Dalbrautarreitnum. Enn liggur ekkert fyrir og ekki búið að auglýsa.
Stefnan er sú að bjóða út verkið í kringum næstu áramót. Gert er ráð fyrir að þjónustumiðstöðin verði á fyrstu hæð og hún verði tilbúin til notkunar árið 2020.

Reglur um Öldungaráðið voru samþykktar og verða sem hluti af lokaskýrslu starfshópsins sem skilað verður til bæjarráðs.

Rætt var um það húsnæði sem í boði er fyrir félgsstarf eldri borgara og hvernig starfshópurinn vil sjá nýtingu á húsnæði til ársins 2020 þegar áætlað er að þjónustumiðstöðin verði tilbúin. Ákveðið var að skoða alla þá möguleika sem eru til staðar í bæjarfélaginu sem hægt væri að nýta undir félagsstarf.

Svala fór yfir kynningu sem fram fór á vegum Reykjavíkurborgar en þeir taka þátt í alþjóðlegu verkefni um aldursvænar borgir.
Aldursvæn borg er borg fyrir allan aldur.
Rætt var um að spennandi væri að taka aldursvænar borgir inn í stefnumótunina sem hluti af þjónustu við alla. Ákveðið að taka það með inn í myndina og verður því stefnumótunin skoðuð út frá aldursvænum borgum.

Steinunn mun senda út punkta með framkvæmdum næstu vikna og drög að aðgerðaráætlun.
Ákveðið að halda kvöldfund miðvikudaginn 22. nóvember kl. 20.00 til að ræða aðgerðaráætlunina.