Starfshópur um uppbyggingu á Jaðarsbökkum

Farið yfir greiningu starfshópsins á áskorunum og tækifærum uppbyggingar á svæðinu. Þessari greiningarvinnu er nú að mestu lokið. Vinna hafin við næsta skref í stefnumótuninni, þ.e. að móta stefnu og markmið fyrir uppbyggingu á svæðinu.
Farið yfir mjög áhugaverða fundi sem aðilar úr starfshópnum hafa átt með með hagaðilum síðustu tvær vikur. Um er að ræða fundi með lektor við Landbúnaðarháskóla Íslands, formanni Samtaka ferðaþjónustunnar, verkefnastjóra menningar- og safnamála hjá Akraneskaupstað og forstjóra Heilbrigðisstofnunar Vesturlands. Auk þess var mjög góður fundur hluta starfshópsins með nýráðnum afreksstjóra ÍSÍ, en bæjarstjóri Akraneskaupstaðar sótti einnig fundinn.
Skoðaðar voru ýmsar útfærslur á hótelum og öðrum verkefnum erlendis sem samræmast hugmyndum sem er verið að vinna með.
Milli funda verður unnið áfram að stefnu og markmiðum.
Næsti fundur starfshópsins verður 13. júní 2023.