Starfshópur um uppbyggingu á Jaðarsbökkum

Rifjaðir upp helstu þættir vinnunnar sem er lokið og farið yfir hvar við stöndum í dag. Vinnan er komin á síðasta stigið, gerð aðgerðaáætlunar, sem stefnt er að því að ljúka 21.ágúst 2023 í samræmi við tímaáætlun í viljayfirlýsingu.
Ljóst er að vinna þarf töluvert meira í aðgerðaáætluninni og greina verkefni betur niður, en það verður ekki tímabært fyrr en í haust þegar skipulagsmálin eru komin lengra í vinnslu. Rætt um fyrirkomulag á kynningum á stefnunni, aðgerðaáætluninni og vinnunni sem hefur farið fram í hópnum og verður haldið áfram með skipulagningu á því í ágúst.
Skipulagslýsingin var samþykkt í bæjarstjórn 13. júní s.l. og var lýsingin auglýst í kjölfarið. Hægt er að fylgjast með umsögnum sem berast vegna skipulagslýsingarinnar hér: https://skipulagsgatt.is/issues/247
og hér:
https://skipulagsgatt.is/issues/249

Ákveðið að næsti fundur verði stuttur stöðufundur á Teams 11. júlí 2023 og síðan verði frí fram í ágúst að öllu óbreyttu.