Stýrihópur um stefnumótun Akraneskaupstaðar

Farið var yfir innleiðingaráætlunina sem gerð var í júní 2023 og hún uppfærð miðað við ábendingar sem komið hafa síðan þá við framkvæmdina. Í uppfærðri innleiðingaráætlun er kveðið á um opinn starfsmannafund í nóvember n.k. þar sem stefnan er kynnt betur og starfsmenn fara í hugmyndavinnu um hvaða aðgerðir þarf að ráðast í til að innleiða stefnuna og hver er forgangur þeirra verkefna. Efni fundarins verður notað til að bæta heildarstefnuna og núverandi aðgerðaáætlun.
Í uppfærðri innleiðingaráætlun er stefnt að því að loka eintak heildarstefnunnar verði til samþykktar á bæjarstjórnarfundi í desember 2023.
Samþykkt var að leita til Sahara um gerð kynningarefnis, en leitað hafði verið til þriggja auglýsingastofa um tilboð í verkefnið.