Velferðar- og mannréttindaráð
Dagskrá
1.Bókun stjórnar SSV um málefni fatlaðra
1506173
Lagt fram til kynningar bréf Páls Brynjarssonar, fyrir hönd stjórnar Samtaka sveitarfélaga á Vesturlandi, til Karls Björnssonar framkvæmdastjóra Sambands íslenskra sveitarfélaga, varðandi fjárveitingar ríkisins til málefna fatlaðra, dags. 22. júní 2015.
Velferðar- og mannréttindaráð tekur undir bókun stjórnar SSV og beinir því til samtakanna að tryggt verði að ráðherra og ráðuneyti félagsmála verði upplýst um bókunina.
2.Fjárhagsáætlun 2016
1502210
Lögð fram til kynningar verk- og tímaáætlun vegna vinnu við gerð fjárhagsáætlunar fyrir árið 2016, sem samþykkt var á fundi bæjarráðs þann 18. júní sl.
3.Þjónusta vegna búsetu og stuðningsþjónusta
1501209
Sjá trúnaðarbókun Velferðar- og mannréttindaráðs.
4.Átak í forvörnum gegn kynferðisofbeldi
1506179
Lögð fram tillaga bæjarstjóra og sviðsstjóra, um að leitað verði eftir samstarfi við aðra aðila á svæðinu sem málið er skylt, s.s. Lögreglu, Heilbrigðisstofnun Vesturlands og Fjölbrautarskóla Vesturlands um stofnun samráðshóps um forvarnir gegn kynferðisofbeldi. Hlutverk hópsins væri m.a. að undirbúa fræðslu fyrir ungmenni á Akranesi um hvað kynferðislegt ofbeldi er og hvaða afleiðingar það hefur á heilsu og líf þolenda.
Velferðar-og mannréttindaráð samþykkir að fela sviðsstjóra að undirbúa stofnun forvarnarhóps með þátttöku starfsfólks á velferðar- og mannréttindasviði og skóla- og frístundasviði, í samvinnu við lykilstofnanir á borð við Lögregluna á Vesturlandi, heilsugæsluna á Akranesi og Fjölbrautarskóla Vesturlands með það að markmiði að undirbúa fræðslu fyrir ungmenni á Akranesi um hvað kynferðislegt ofbeldi er og hvaða afleiðingar það hefur á heilsu og líf þolenda.
5.Ósk um samstarf varðandi barna- og fjölskylduvernd
1506191
Í tölvupósti frá 3. júní 2015 óskar Sigrún Júlíusdóttir, fyrir hönd stjórnar Rannsóknarstofnunar í barna- og fjölskylduvernd eftir samstarfi við Akraneskaupstað.
Velferðar- og mannréttindaráð þakkar erindið en telur sér ekki fært að þiggja boðið um samstarf að svo stöddu.
6.Vesturgata 102 - breytingar
1411152
Farið yfir stöðu mála varðandi erindi um undanþágu frá viðmiðum reglugerðar 1054/2010, um þjónustu við fatlað fólk á heimili sínu, um lágmarksstærðir íbúða og rætt um næstu skref.
Sviðsstjóri upplýsti um samskipti við ráðuneyti félagsmála varðandi erindi um undanþágu. Formlegt svar hefur ekki borist.
7.Eignarhald og rekstur bifreiðar UI-241
1502133
Farið yfir stöðu málsins og kynntar tillögur að lausn þess sem ræddar hafa verið á fundum með aðstandendum.
Sviðsstjóra falið að halda áfram viðræðum við aðila skv. umræðum á fundinum.
Fundi slitið - kl. 18:10.
