Velferðar- og mannréttindaráð
Dagskrá
1.Reglur í félagslegri heimaþjónustu
1509209
Umræður um innihald og mörk félaglegrar heimaþjónustu og hvort þörf sé á frekari breytingum á reglum. Lagt fram yfirlit um þjónustu umfram lögbundnar skyldur sveitarfélagins.
Sviðsstjóra falið að vinna að breytingum á reglum um heimaþjónustu og gjaldskrá samkvæmt umræðum á fundinum.
2.Endurskoðun reglna um akstursþjónustu fatlaðra og aldraðra 2015
1503272
Í tölvupósti frá 14. september gefur Jón Þorsteinn Sigurðsson, réttindagæslumaður fatlaðs fólks á Vesturlandi og Vestfjörðum umsögn sína um drög að reglum um akstursþjónustu fyrir fatlað fólk á Akranesi.
Velferðar- og mannréttindaráð þakkar ábendingar réttindagæslumanns og felur sviðsstjóra að svara fyrirspurnum hans. Gerðar breytingar á 3. grein reglnanna samkvæmt ábendingu Jóns Þorsteins.
3.Trúnaðarmál
1505095
Vísað til trúnaðarbókunar Velferðar- og mannréttindaráðs.
4.Breytingar á vinnuskipulagi í búsetuþjónustu
1507089
Áður á dagskrá 19. fundar Velferðar- og mannréttindaráðs þann 5. ágúst 2015. Staða mála varðandi mönnun kynnt og tillaga að skipulagi sérúrræðis.
5.Skrifstofuaðstaða fyrir forstöðumann sambýlisins við Laugarbraut
1509210
Leitað hefur verið að lausn á aðstöðuleysi forstöðumanns sambýlisins við Laugarbraut. Til greina kemur að leigja laust skrifstofurými í húsi Rauða krossins að Skólabraut 25a.
Velferðar- og mannréttindaráð óskar eftir að leitað verði lausna á aðstöðuleysi forstöðuþroskaþjálfa í húsnæði sveitarfélagsins.
6.Fundargerðir 2015 - Samráðshópur um þjónustumiðstöð að Dalbraut 6
1504123
Fundargerðir 7.-9. fundar samráðshóps um þjónustumiðstöð að Dalbraut 6, ásamt fylgigögnum lagðar fram til kynningar.
7.Vesturgata 102 - breytingar
1411152
Lagt fram til kynningar svarbréf Velferðarráðuneytis frá 14. september 2015, þar sem samþykkt er beiðni Akraneskaupstaðar um undanþágu frá stærðarviðmiðum reglugerðar nr. 1054/2010 um þjónustu við fatlað fólk á heimili sínu vegna Vesturgötu 102.
Velferðar- og mannréttindaráð mun skoða uppbyggingu á sambýlum á Akranesi með hliðsjón af svari ráðuneytisins.
Fundi slitið - kl. 19:30.
