Velferðar- og mannréttindaráð

Trúnaðarmál.

Starfsmenn Akraneskaupstaðar sem ganga bakvaktir barnaverndar hafa sagt upp samningi sem undirritaður var árið 2012. Uppsögn tekur gildi 1. apríl 2017.

Verðkönnun fór fram vegna endurnýjunar á þjónustubifreið fyrir ferðaþjónustu fatlaðra og aldraðra á Akranesi. Eitt verðboð barst í verkið.

Samningur hefur verið milli Akraneskaupstaðar og Starfsendurhæfingar Vesturlands um afnot af húsnæði að Suðurgötu 57, Akranesi og aðgengi að tilteknum mannvirkjum og búnaði í eigu Akraneskaupstaðar. Leigusamningurinn gildir frá 1. janúar 2015 og er uppsegjanlegur af beggja hálfu með 3 mánaða fyrirvara. Endurskoðun á samningi átti í fyrsta skipti að fara fram lok árs 2016.

Samstarf hefur verið milli skóla- og frístundasviðs og velferðar- og mannréttindasviðs í samvinnu við íþróttafulltrúa ÍA um að móta tilraunaverkefnið "Tómstundaráðgjöf fyrir aldurshópinn 60 ára og eldri sem eru ekki lengur á vinnumarkaði". Aðrir samstarfsaðilar verða FEBAN, félag eldri borgara á Akranesi og nágrenni.

Bréf Þroskahjálpar þar sem vakin er athygli stjórnenda sveitarfélaga á að huga sérstaklega að aðstæðum og þörfum fólks með þroskahömlun og fatlaðs fólks almennt þegar þeir gera áætlanir í húsnæðismálum og setja reglur og/eða taka ákvarðanir um veitingu stofnframlaga samkvæmt nýjum lögum sem um það gilda.

Velferðarráðuneytið samþykkti 30. desember 2016 leiðbeinandi reglur fyrir sveitarfélög um framkvæmd sérstaks húsnæðisstuðnings skv. 2. mgr. 45. gr. laga nr. 40/1991 um félagsþjónustu sveitarfélag, með síðari breytingum. Viðmiðunarreglurnar höfðu áður verið sendar út í drögum til umsagnar hjá sveitarfélögum. Veigamesta breytingin felst í viðmiðunarfjárhæðum skv. 8. gr., en þær fjárhæðir hafa verið hækkaðar um 13,4% frá þeirri útgáfu sem send var út til umsagnar.

Velferðar- og mannréttindaráð lagði til við bæjarráð á 47. fundi sínum 26. október sl. að farið yrði í samstarf við Brynju hússjóð samkvæmt umsókn þeirra um stofnframlag Akraneskaupstaðar til kaupa á 6 íbúðum fyrir öryrkja fram til ársins 2018. Bæjarráð samþykkti á fundi sínum 27. október sl. umsókn Brynju Hússjóðs um stofnstyrk. Svar hefur nú borist frá Íbúðalánasjóði á umsókn Brynju og verða þrjár íbúðir keyptar á árinu 2017.