Velferðar- og mannréttindaráð

Félagafjör Fjöliðjunnar. Tveir leiðbeinendur Fjöliðjunnar hafa óskað eftir að fara að stað með félagsstarf fyrir fullorna fatlaða. Um er ræða að keyra tvo hópa yngri en 30 ára og 30 ára og eldri. Samveran væri í Fjöliðjunni 2x í mánuði í 2 tíma í senn. Um er ræða tímabilið febrúar til maí 2025.

Fyrirhugað er að halda námskeiðið í gegnum Símenntunarmiðstöð Vesturlands sem mun þá greiða laun starfsmanna. Óskað er eftir aðstoð Akraneskaupstað við að reiða þátttökugjald þátttakenda sem verður kr. 170.000 fyrir alla, allt tímabilið, auk efniskostnaðar sem gert er ráð fyrir að verði um kr. 90.000.



Málið var lagt fyrir notendaráð 25.02.25 og var eftirfarandi bókað: Notendaráð fagnar framtaki starfsfólks Fjöliðjunnar.

25. fundargerð öldungaráðs frá 27. febrúar 2025.

21. fundargerð notendaráðs um málefni fatlaðs fólks á Akranesi, frá 07.10.24 lögð fram til kynningar.

22. fundargerð notendaráðs um málefni fatlaðs fólks á Akranesi, frá 25.02.25 lögð fram til kynningar.

Tillaga að breytingu að gjaldskrá stuðnings- og stoðþjónustu hefur bæði fengið umræðu í öldunga- og notendaráði. Voru ráðin með jákvæða afstöðu gagnvart tillögunni.



Bókun notendaráðs 25.febrúar 2025:



Notendaráð lýsir yfir ánægju með þá vinnu sem lögð hefur verið í tillögu að fyrirliggjandi gjaldskrá fyrir stuðnings- og stoðþjónustu. Jafnframt er ráðið hlint þeirri nálgun sem unnið er eftir varðandi greiðslu fyrir þjónustuna út frá tekjuskiptingu.



Bókun öldungaráðs á fundi 27. febrúar 2025 var samhljóma bókun notendaráðs.

Til umræðu er bókun notendaráðs um málefni fatlaðs fólks á Akranesi frá 25.02.25. Í bókuninni kemur m.a. fram að notendaráð harmar mjög þá stöðu sem upp er komin í málinu og leggur eindregið til við Bæjarstjórn Akraness að nú þegar fram fari stjórnsýslurannsókn á verkefninu í heild sinni.

Á fundi skipulags- og umhverfisráðs þann 18.02.25 var samþykkt að fá álit velferðar- og mannréttindaráðs og öldungaráðs á því að vinnuskólinn hætti að bjóða upp á grasslátt í görðum fyrir eldra fólk og öryrkja.



Vinnuskólinn hefur mörg undanfarin ár séð um að bjóða ellilífeyrisþegum og öryrkjum garðslátt gegn vægu gjaldi sem er 75% niðurgreitt af sveitarfélaginu. Einn hópur, sem samanstendur af fjórum unglingum og einum flokkstjóra, hefur séð um þessa þjónustu.



Innheimt þóknun vegna þjónustunnar mætir aðeins litlum hluta af raunkostnaði. Sá þáttur hefur þó ekki vegið þyngst heldur sá útgangspunktur að þjónusta þá sem ekki geta séð um að slá sína garða sjálfir.



Síðustu ár hefur hins vegar komið til tals að Vinnuskólinn hætti þessari þjónustu.



Ástæðurnar eru nokkrar:

-
Vinnuskólinn á ekki og hefur í raun ekki heimildir til að vera í slíkri starfsemi í samkeppni við verktaka eða aðra einkaaðila sem hafa áhuga á að bjóða þessa þjónustu.

-
Margir eldri borgarar ( 67 ), sem kjósa að búa í einbýli með garði, eru fullfrískir og hafa getu til að slá sína garða sjálfir.

-
Vinnuskólinn starfar yfirleitt frá 10 júní og fram í miðjan ágúst, en fyrir þann tíma þarf að slá og einnig eftir að Vinnuskóla líkur. Fyrsti sláttur er því oft mjög tímafrekur ef ekki er búið slá utan þess tíma sem Vinnuskólinn starfar. Þannig er örðugt að bjóða upp á þjónustu aðeins hluta úr sumri, þjónustu sem þarf að sinna allt sumarið.

- Vinnuskólinn hefur verið að slá um 70 garða, 4 sinnum á sumrinu.



Síðustu ár hefur enginn verktaki sýnt áhuga á því að bjóða upp á þessa þjónustu, en í fyrra sumar voru þó einhverjir unglingar sem tóku sig til og buðu upp á slíkan slátt fyrir einkaaðila.



Útgangspunkturinn er því sá að opna á slíkt tækifæri fyrir fyrir duglega og framtaksama einstaklinga í sveitarfélaginu.



Bókun skipulags- og umhverfisráðs:



Tillaga um breytingu á fyrirkomulagi grassláttar fyrir eldri borgara og öryrkja. Ráðið samþykkir að fá álit velferðar- og mannréttindaráðs, notendaráðs og öldungaráðs á því að vinnuskólinn hætti að vera með grasslátt í görðum fyrir eldri borgara og öryrkja.



Á fundi notendaráðs um málefni fatlaðs fólks þann 25.02.25 var eftirfarandi bókað um málið:



Notendaráð vill koma þeirri ábendingu á framfæri að nálgunin í ákvarðanatöku verði byggð á nánari þarfagreiningu og leggur áherslu á að betur færi á því að þjónustan byggði á færnimati umsækjanda. Önnur ábending er að tekjutengja þjónustuna í samræmi við tillögu að nýrri gjaldskrá stuðnings- og stoðþjónustu.



Á fundi öldungaráðs þann 27.02.25 var eftirfarandi bókað um málið:

Öldungaráð vill koma þeirri ábendingu á framfæri að nálgunin í ákvarðanatöku verði byggð á nánari þarfagreiningu og leggur áherslu á að betur færi á því að þjónustan byggði á færnimati umsækjanda. Önnur ábending er að tekjutengja þjónustuna í samræmi við tillögu að nýrri gjaldskrá stuðnings- og stoðþjónustu.

Lögð fram tillaga að verktakasamningi við Laufeyju Jónsdóttur tengiráðgjafa Vesturlands í verkefninu Gott að eldast, varðandi þjónustu og aðstoð við fólk með heilabilun og aðstandendur þeirra.

Skýrsla Gæða- og eftirlitsstofnunar um frumkvæðisathugun á stoð- og stuðningsþjónustureglum sveitarfélaga sem fram fór á árinu 2024.