Ærslabelgur kominn upp við Akraneshöll
07.06.2018
![Belgurinn nýtur strax mikilla vinsælda. Hér má sjá börn að leik á svæðinu í gær þann 6. júní þegar b…](/static/news/lg/aerslabelgur1.jpg)
Belgurinn nýtur strax mikilla vinsælda. Hér má sjá börn að leik á svæðinu í gær þann 6. júní þegar belgurinn var vígður.
Nýr ærslabelgur er kominn upp hjá Langasandi, beint fyrir aftan Akraneshöll. Belgurinn var vígður formlega í gær þann 6. júní og er hann ætlaður fólki á öllum aldri sem hefur áhuga á að hoppa og leika sér.
Það var bæjarráð Akraneskaupstaðar sem samþykkti kaupin á belgnum á fundi sínum þann 26. mars síðastliðinn. Það var síðan skipulags- og umhverfisráð sem samþykkti á fundi sínum þann 24. maí tillögu umhverfisstjóra um að staðsetja belginn við Langasand enda mikil uppbygging á tilgreindu svæði og mikið líf í kringum sumartímann. Belgurinn er 101 m² að stærð er niðurgrafinn og uppblásinn og kemur hann frá Danmörku.
Moya