Alþjóðlegur dagur einhverfu
10.04.2015
Í dag, þann 10. apríl er haldið upp á bláan dag víðsvegar á landinu í tilefni af alþjóðlegum degi einhverfunnar sem var 2. apríl síðastliðinn. Á síðu styrktarfélags barna með einhverfu er hvatt til þess að foreldrar sendi börnin bláklædd í skólann þar sem blár er alþjóðlegur litur einhverfu. Þar segir að rétt eins og blæbrigði bláa litarins eru birtingarmyndir einhverfu óteljandi því hver einstaklingur hefur sinn stað á einhverfurófinu með öllum þeim áskorunum sem því fylgja.
Á Akranesi voru fjölmörg börn í bláum fötum í skólanum, vinnustaðir voru með blátt þema og einnig ljómaði Akratorg í bláum lit.
Það má því segja að á Akranesi sé fjölbreytileikanum fagnað í dag.
Skoða fleiri myndir hér
Moya