Ályktun bæjarstjórnar Akraness um stöðu mála í Fjölbrautarskóla Vesturlands
23.10.2019
Fjölbrautarskóla Vesturlands á Akranesi.
Bæjarstjórn Akraness samþykkti svohljóðandi ályktun á fundi sínum þann 22. október síðastliðinn:
Bæjarstjórnin á Akranesi lýsir þungum áhyggjum yfir stöðu mála í Fjölbrautaskóla Vesturlands á Akranesi. Ljóst er að mikil óánægja ríkir innan skólans og að allir starfsmenn eru í slæmri stöðu, jafnt stjórnendur sem kennarar og aðrir starfsmenn. Bæjarstjórn skorar á yfirvöld menntamála að grípa nú þegar til nauðsynlegra aðgerða svo að sátt skapist innan starfsmannahópsins. Nauðsynlegt er að Fjölbrautaskóli Vesturlands fái gegnt sínu meginhlutverki, sem er að vera mikilvæg menntastofnun og máttarstólpi fyrir samfélagið á Akranesi og Vesturlandi öllu.
