Auglýsing um skipulag á Akranesi, Garðabraut 1 og Kirkjubraut 39
Bæjarstjórn Akraness samþykkti á fundi sínum þann 8. september s.l. að auglýsa eftirtaldar tillögur í samræmi við 41. grein skipulagslaga nr. 123/2010:
Deiliskipulag Garðabrautar 1
Tillaga að nýju deiliskipulagi sem tekur aðeins til lóðarinnar við Garðabraut 1, á lóðinni stendur félagsheimili KFUM og KFUK. Í skipulaginu felst m.a. að rífa núverandi byggingu. Lóðin er stækkuð inn á vegstæði Garðabrautar um 339,0 m², breytt lóð verður 3.424,0 m². Skilgreindir eru byggingarreitir fyrir tvö íbúðarhús fjögurra og sjö hæða með alls 20-30 íbúðum, hálfniðurgrafna bílageymslu sem tengist báðum íbúðarhúsum.
Deiliskipulag Stofnanareits – Kirkjubraut 39
Tillaga að breytingu á deiliskipulagi Stofnanareits vegna lóðarinnar nr. 39 við Kirkjubraut. Í tillögunni felst m.a. að í stað hótels er heimilt að byggja í íbúðarhúsnæði, með verslun og þjónustu á fyrstu hæð og bíla- og geymslukjallara. Hámarks nýtingarhlutfall fer úr 1,56 í 1,90.
Tillögurnar verða til kynningar í þjónustuveri kaupstaðarins að Stillholti 16-18, Akranesi og á heimasíðu Akraneskaupstaðar, www.akranes.is frá og með 22. september 2020 til og með 6. nóvember 2020.
Þeim sem telja sig eiga hagsmuna að gæta er hér með gefinn kostur á að gera athugasemdir við skipulagstillögurnar er til og með 6. nóvember 2020. Skila skal Skriflegum athugasemdum í þjónustuver Akraneskaupstaðar að Stillholti 16-18, eða á netfangið skipulag@akranes.is
