Auglýsing um niðurstöðu bæjarstjórnar vegna skipulags Skógarhverfis og Garðalundar-Lækjarbotna
Breyting á Aðalskipulagi Akraness 2005-2017
Stækkun Skógarhverfis
Bæjarstjórn Akraness samþykkti þann 10. nóvember 2020, tillögu að breytingu á Aðalskipulagi Akraness 2005-2017. Tillagan var auglýst frá 4. september til 20. október 2020. Athugasemdir gáfu ekki tilefni til breytinga á tillögunni og hefur hún verið send Skipulagsstofnun til staðfestingar. Þeir sem óska nánari upplýsinga geta snúið sér til sviðsstjóra skipulags- og umhverfissviðs.
Deiliskipulag Skógarhverfis, áfangi 3A
Bæjarstjórn Akraness samþykkti þann 10. nóvember 2020, tillögu að nýju deiliskipulagi Skógarhverfis áfanga 3A. Tillagan var auglýst skv. 41. gr. skipulagslaga nr. 123/2010. Athugasemdir bárust og hefur þeim, sem gerðu athugasemdir verið send umsögn bæjarstjórnar. Hægt er að kæra samþykkt bæjarstjórnar til úrskurðarnefndar umhverfis- og auðlindamála. Kærufrestur er einn mánuður frá birtingu auglýsingar um samþykkt deiliskipulagsins í B-deild Stjórnartíðinda.
Deiliskipulag Garðalundar - Lækjarbotna
Bæjarstjórn Akraness samþykkti þann 10. nóvember 2020, tillögu að nýju og breyttu deiliskipulagi Garðalundar - Lækjarbotna. Tillagan var auglýst skv. 41. gr. skipulagslaga nr. 123/2010. Athugasemdir bárust og hefur þeim, sem gerðu athugasemdir verið send umsögn bæjarstjórnar. Hægt er að kæra samþykkt bæjarstjórnar til úrskurðarnefndar umhverfis- og auðlindamála. Kærufrestur er einn mánuður frá birtingu auglýsingar um samþykkt deiliskipulagsins í B-deild Stjórnartíðinda.
