AUGLÝSING UM ÚTGÁFU FRAMKVÆMDALEYFIS

Bæjarstjórn Akraness samþykkti á fundi þann 13. desember 2022 framkvæmdaleyfi fyrir stækkun aðalhafnargarðs. Framkvæmdin felur í sér gerð nýs hafnarbakka (framlenging) með um 220 metra viðlegu (90 metra lenging á núverandi bakka) með um 11 metra dýpi. Dýpkun á snúningssvæði innan hafnar, snúningssvæði með um 120 metra þvermáli og dýpi 10 metra. Dýpkun á snúningssvæði utan hafnarmynnis, snúningssvæði um 180 metra þvermáli og dýpi 11 metra. Lengingu brimvarnargarðs um allt að 60 metra, öldudeyfingu á milli aðalhafnargarðs og bátabryggju.

Umrædd framkvæmd er matsskyld samkvæmt lögum nr. 106/2000 um mat á umhverfisáhrifum og liggur fyrir matsskýrsla og álit Skipulagsstofnunar um matsskyldu framkvæmdar.

Framkvæmdin er í samræmi við Aðalskipulag Akraness 2005-2017 og deiliskipulag Akraneshafnar.

Vakin er athygli á að niðurstaða bæjarstjórnar er kæranleg til Úrskurðarnefndar umhverfis- og auðlindamála, Skúlagötu 21, 101 Reykjavík, sbr. 52. gr. skipulagslaga nr. 123/2010. Kærufrestur er einn mánuður frá birtingu auglýsingar um leyfið, sbr. 2. mgr. 4. gr. laga nr. 130/2011 um úrskurðarnefnd umhverfis- og auðlindamála.

Skipulagsfulltrúi Akraness