Breyting á tómstundaframlagi

Um áramót voru gerðar breytingar á tómstundaframlagi Akraneskaupstaðar vegna frístundaiðkunar barna og unglinga á aldrinum 6-18 ára sem hafa lögheimili á Akranesi. Framlagið var hækkað og er tómstundaframlagið kr. 35.000 fyrir eitt barn, kr. 39.375 fyrir tvö börn og kr. 44.479 fyrir þrjú eða fleiri. Tómstundaframlagið gildir fyrir þau börn sem verða 6 og 18 ára á árinu (börn fædd 2012-2000 árið 2018). Sé barn orðið 18 ára sækir það sjálft um í íbúagátt Akraneskaupstaðar.

Um áramótin tók Akraneskaupstaður í notkun nýtt greiðslukerfi sem kallast Hvati. Breytingarnar eru aðallega þær að nú eru allar skráningar á tómstundaframlagi rafrænar. Að auki geta foreldrar/forráðamenn innskráð sig í íbúagátt Akraneskaupstaðar og fundið þær frístundir sem í boði eru fyrir börnin sín. Upplýsingar um eftirstöðvar af ráðstöfun er hægt að finna í skráningarkerfi Nóra en einnig er hægt að hafa samband við þjónustuver Akraneskaupstaðar.