Deildarstjórar verkefna í Grundaskóla
Lausar eru til umsóknar tvær 50% stöður deildarstjóra verkefna í Grundaskóla. Um er að ræða nýjar stöður sem veittar verða frá og með 1. ágúst 2016.
Grundaskóli er heildstæður grunnskóli með um 600 nemendur og 100 starfsmenn. Í Grundaskóla er metnaðarfullt skólastarf, gott starfsumhverfi og góð samvinna starfsfólks, nemenda, foreldra og annarra samstarfsaðila skólans. Í Grundaskóla eru gerðar kröfur til nemenda og starfsfólks um dugnað, reglusemi, góða umgengni, góða ástundun og gagnkvæma virðingu.
Helstu verkefni og ábyrgð:
- Situr í skólastjórn Grundaskóla
- Starfar í samræmi við stefnu og áherslur skólans eins og þær eru á hverjum tíma
- Hefur mannaforráð í samræmi ákvörðun skólastjóra
- Er stjórnendum og kennurum til aðstoðar innan skólans ásamt því að viðhalda virkum tengslum við nemendur og foreldra
- Hefur umsjón með og bera ábyrgð á skilgreindum verkefnum í stjórnun og kennslu skólans og vinnur náið með öðrum skólastjórnendum og kennurum
- Heldur til haga og uppfærir verkefnalista sinn sem tekur breytingum eftir því sem starfið þróast og er í samræmi við stefnu skólans og bæjaryfirvalda á hverjum tíma
Menntunar- og hæfnikröfur:
- Leyfisbréf grunnskólakennara og kennslureynsla á grunnskólastigi
- Leiðtogahæfni, metnaður og áhugi á skólaþróun og nýjungum
- Reynsla af stjórnun er æskileg
- Góð íslenskukunnátta og færni til að tjá sig í ræðu og riti
- Áhersla er lögð á að viðkomandi búi yfir lipurð í samstarfi og mannlegum samskiptum
Upplýsingar um starfið veita Hrönn Ríkharðsdóttir skólastjóri (hronn.rikhardsdottir@akranes.is) og Sigurður Arnar Sigurðsson aðstoðarskólastjóri (sigurdur.arnar.sigurdsson@akranes.is) .
Umsóknum fylgi ítarleg starfsferilskrá ásamt greinargerð þar sem kemur fram ástæða umsóknar og rökstuðningur fyrir hæfni viðkomandi til starfsins. Hér er sótt er um rafrænt á heimasíðu Akraneskaupstaðar en einnig er hægt að sækja um í þjónustuveri bæjarins að Stillholti 16-18, 1. hæð.
Umsóknarfrestur er til og með 28. apríl 2016.
