Endurreikningi afsláttar á fasteignaskatti lokið
28.09.2015
Samkvæmt reglum Akraneskaupstaðar um lækkun og niðurfellingu fasteignaskatts tekjulágra elli- og örorkulífeyrisþega, 3. grein, hefur endurreikningur afsláttar farið fram. Þeim elli- og örorkulífeyrisþegum sem breytingar á afslætti ná til, hefur verið sent bréf varðandi niðurstöðu. Breytingar hafa verið færðar til hækkunar/lækkunar á greiðsluseðla fasteignagjalda með gjalddaga 15. september og 15. október. Inneignir hafa verið millifærðar á bankareikning.
Allar frekari upplýsingar eru veittar hjá starfsmönnum fjárreiðudeildar á bæjarskrifstofu, Stillholti 16-18, eða í síma 433 1000.
Athugið að breytingaseðlar eru einnig aðgengilegir á www.island.is undir ,,mínar síður".
Moya