Ungmennaráð Akraness undirbýr nú samtal sitt við bæjarstjórn Akraneskaupstaðar og verður bæjarstjórnarfundur unga fólksins haldinn þriðjudaginn 17. nóvember nk. Ungmennaráð er skipað níu fulltrúum og níu varamönnum á aldrinum 13 - 25 ára sem eru með búsetu á Akranesi. 

Fastur liður í þeim í þeim undirbúningi hefur verið málþing ungs fólks sem haldið hefur verið í samvinnu við Frístundamiðstöðina Þorpið. Nú hinsvegar er ógerlegt að halda málþing ungs fólks sökum hertra sóttvarnareglna og því verður leitast eftir þátttöku ungmenna í gegnum rafræna skoðunarkönnun. Um er að ræða spurningarlista á Google Forms – allt spurningar sem snúa að ungu fólki á Akranesi. 

Þátttaka er mikilvæg fyrir undirbúningsvinnu ungmennaráðs, þar sem niðurstöður kannaninnar verða nýttar til samtals við bæjarstjórn. Könnunin er opin til og með miðvikudeginum 11. nóvember.  

Ertu á aldrinum 13-25 ára, með búsetu á Akranesi og viltu hafa áhrif...þá

Smelltu hér til að taka þátt í könnuninni.

Ef hlekkurinn hér að ofan virkar ekki sem skildi er hér netslóð: https://forms.gle/ZaSkfpK4C673hhUp6

Fyrirfram þakkir fyrir þína þátttöku,

Ungmennaráð Akraness