Fjárfestahátíð á Siglufirði 2023

Norðanátt leitar eftir nýsköpunarverkefnum í leit að fjármögnun úr öllum landshlutum. Norðanátt, með stuðningi frá umhverfis- og loftlagsráðuneytinu, stendur fyrir Fjárfestahátíð á Siglufirði 29.-31. mars og leitað er eftir nýsköpunarverkefnum úr öllum landshlutum sem eru í leit að fjármögnun.

UMSÓKNARFRESTUR ER 15. DESEMBER NK. Nánar má finna allar upplýsingar um verkefnið á https://www.nordanatt.is/fjarfestahatid

Fjárfestahátíð Norðanáttar er vettvangur fyrir frumkvöðla sem hugsa stórt og vilja kynna sínar hugmyndir fyrir fjárfestum og þar með auka fjárfestingatækifæri á landsbyggðinni. Á fjárfestahátíðinni, sem haldin er í marsmánuði ár hvert, kynna frumkvöðlar verkefni sín sem snerta orkuskipti, hringrásarhagkerfið eða fullnýtingu auðlinda í takt við áherslur Norðanáttar; matur, orka, vatn.