Frístundamiðstöð við Garðavöll - undirritun framkvæmdasamnings

Fimmtudaginn 7. september s.l. undirrituðu Sævar Freyr Þráinsson, bæjarstjóri ,  Þórður Emil Ólafsson, formaður GL og Guðmundur Sigvaldason, framkvæmdastjóri  GL, framkvæmdarsamning um byggingu miðstöðvarinnar.

Bæjarfulltrúar, forsvarsmenn golfklúbbsins og gestir voru viðstaddir undirritunina sem fram fór í Garðakaffi.

Í samningnum er kveðið á um að frístundamiðstöðin verði alfarið í eigu Fasteignafélags Akraneskaupstaðar, en þegar byggingu hennar er lokið verði gerður samningur milli fasteignafélagsins og GL um rekstur hússins.