Garðakaffi á Safnasvæðinu í Görðum
Á 5. fundi menningar- og safnanefndar var ákveðið að auglýsa er eftir áhugasömum aðilum til að taka að sér rekstur á kaffihúsinu Garðakaffi á Safnasvæðinu Görðum. Rekstrarsamningur verður til að byrja með fram til loka árs 2015.
Í lýsingu á verkefninu segir að Garðakaffi sé sjálfstæð rekstrareining en rekin í nánu samstarfi við Byggðasafnið í Görðum. Reiknað er með að rekstraraðilar taki virkan þátt í þeirri starfsemi og viðburðum sem fram fara á svæðinu. Ennfremur að þeim sé frjálst að standa fyrir eigin dagskrá og viðburðum í kaffihúsinu og að Byggðasafninu beri að styðja við þá starfsemi og taka virkan þátt í henni. Í umsókn skal koma fram hvernig umsækjandi telur að samþætta megi starfsemi kaffihússins og Byggðasafnsins á áhugaverðan og hagkvæman hátt þannig að sem bestur árangur náist í starfsemi og rekstri kaffihússins og safnanna og auka þannig gestakomur á Safnasvæðið.
Frestur til að skila inn tillögum og nánari upplýsingum er til og með 18. febrúar 2015. Umsóknir sendist á akranes@akranes.is eða afhendist í þjónustuveri að Stillholti 16-18, 1. hæð. Allar nánari upplýsingar veitir Jón Allansson forstöðumaður í tölvupósti eða í síma 431-1255.
