Heimsókn frambjóðenda Norðvesturkjördæmis

Mánudaginn 25. október síðastliðinn tóku bæjarstjóri og bæjarfulltrúar Akraness á móti frambjóðendum Norðvesturkjördæmis. Í upphafi fundarins fór Sævar Freyr Þráinsson bæjarstjóri yfir þau allra brýnustu mál sem Akraneskaupstaður stendur frammi fyrir og mynduðust afar áhugaverða umræður í kjölfarið meðal frambjóðenda og bæjarfulltrúa. Helstu málefni sem voru til umræðu voru atvinnuuppbygging, samgöngur, Sementsreitur, húsnæðismál, uppbygging á Dalbrautarreit og Skógarhverfi II, málefni aldraðra, málefni Höfða, menntamál, málefni fatlaðra og Heilbrigðisstofnun Vesturlands.

Akraneskaupstaður sendir frambjóðendum kærar þakkir fyrir komuna og óskar þeim góðs gengis í komandi kosningum.