Hunda- og kattaeigendur athugið

Samkvæmt 15. kafla reglugerðar um hollustuhætti nr. 941/2002 er hunda- og kattaeigendum skylt að láta ormahreinsa dýr sín árlega og er það innifalið í leyfisgjaldi.

• Hundahreinsun verður mánudaginn 14. október frá kl. 17:00-21:00.
• Kattahreinsun verður þriðjudaginn 15. október frá kl. 17:00-21:00
• Staðsetning: Þjónustumiðstöð Akraness að Laugarbraut 6  (gamla slökkvistöðin).

Gunnar Gauti Gunnarsson dýralæknir annast hreinsunina. Dýralæknir býður einnig upp á bólusetningar (ath. að greiða þarf með peningum):

• Smáveirusótt (Parvo), lifrarbólgu, hótelhósta og hundafári, verð kr. 3.000.
• Örmerkingu hunda og katta, verð kr. 4.500.
• Perlutex ófrjósemistöflur fyrir hunda og ketti,  verð kr. 1.500.
• Bólusetningu gegn kattafári, verð kr. 3.000.

Óskráðir hundar og kettir eru velkomnir og geta eigendur þeirra nálgast skráningargögn á staðnum. Eigendur mega koma og ná í pillur ef þörf krefur.

Dýraeigendur hunda og katta eru hvattir til að kynna sér samþykktir um hunda- og kattahald á Akranesi á vef Akraneskaupstaðar. Seinni hreinsun verður laugardaginn  2. nóvember, nánar auglýst síðar.

Nánari upplýsingar veita dýraeftirlitsmaður í síma  898-9478 eða dýralæknir í síma 892-3230.