Innritun í leikskóla og sumarleyfi leikskólanna 2020
Samkvæmt samþykkt á síðasta fundi skóla- og frístundaráðs verður inntaka í leikskólanna í haust í samræmi við rekstraráætlun leikskólanna fyrir árið 2020. Þannig verði börnum sem eru fædd frá 1. maí 2018 - 31. maí 2019 boðið leikskólapláss á komandi skólaári.
Innritun mun fara fram fyrstu vikuna í mars og hvetjum við alla sem eiga eftir að sækja um leikskólapláss fyrir barnið sitt að fara inn á íbúagáttina og skila inn umsókn. Tilkynning mun birtast hér heimasíðu Akraneskaupstaðar þegar innritun hefur farið fram.
Á fundinum var einnig ákveðið að sumarleyfi leikskólanna sumarið 2020 verði fjórar vikur. Leikskólarnir leggi fram tillögu að lokunartíma eftir framkvæmd skoðanakönnunar meðal foreldra og að höfðu samráði við starfsmenn leikskólans.
