Laust starf aðstoðarmatráðs í Leikskólanum Garðaseli
Aðstoðarmatráður óskast til starfa í Heilsuleikskólann Garðasel. Um er að ræða 75% stöðu til fastráðningar sem er laus frá og með 1. janúar 2017. Æskilegt er að viðkomandi geti hafið störf um miðjan desember til að geta fengið nauðsynlega starfsþjálfun. Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakinn er athygli á að starfið hentar jafnt konum sem körlum.
Í Garðaseli eru 78 börn og hópur jákvæðra og metnaðarfullra kennara og starfsmanna.
Menntunar- og hæfniskröfur:
- Reynsla af vinnu í eldhúsi (matur og bakstur)
- Góð færni í mannlegum samskiptum
- Frumkvæði og sjálfstæði í starfi
- Stundvísi og skipulögð vinnubrögð
- Gott vald á íslensku
Aðstoðarmatráður er staðgengill matráðs í fjarveru hans og ber þá ábyrgð á eldhúsi þann tíma.
Hér er sótt um rafrænt á heimasíðu Akraneskaupstaðar. Umsóknarfrestur er til og með 21. nóvember næstkomandi. Nánari upplýsingar um starfið veitir Ingunn Ríkharðsdóttir leikskólastjóri í tölvupósti á netfangið ingunn.rikhardsdottir@gardasel.is eða í síma 433-1240.
