Laust starf leiðbeinanda í leikskólanum Garðaseli
14.06.2016
Laus er til umsóknar 50 % starf leiðbeinandi í afleysingar. Vinnutími er frá kl. 9.00-13.00 og er staðan laus frá og með 8. ágúst 2016. Launakjör eru samkvæmt kjarasamningi Sambands íslenskra sveitafélaga og stéttarfélaga leiðbeinenda.
Garðasel er þriggja deilda leikskóli með um 74 nemendur og um 22 starfsmenn. Garðasel er heilsuleikskóli með áherslu á hreyfingu, holla næringu og listsköpun í leik og starfi.
Hæfniskröfur
- Reynsla af leikskólastarfi æskileg
- Færni í samskiptum, lipurð, sveigjanleiki og jákvæðni í samskiptum
- Frumkvæði í starfi og faglegur metnaður
- Stundvísi og góð íslenskukunnátta
Hér er sótt er um rafrænt á heimasíðu Akraneskaupstaðar en einnig er hægt að sækja um í þjónustuveri bæjarins að Stillholti 16-18, 1. hæð. Umsóknarfrestur er til og með 27. júní n.k. Nánari upplýsingar um starfið veitir Ingunn Ríkharðsdóttir leikskólastjóri í tölvupósti á netfangið gardasel@akranes.is eða í síma 433-1240.
