Losun á móttökusvæði jarðefna á Akranesi.
Skipulags- og umhverfisráð hefur samþykkt að loka fyrir losun á móttökusvæði jarðefna utan dagvinnutíma:
Skipulags- og umhverfisráð samþykkir breytingar á opnunartíma inn á jarðvegstipp. Opið verður frá kl. 8:00 - 17:00 alla virka daga. Aðgangshlið verður lokað utan þess tíma. Ef þörf verður á aðgengi utan opnunartíma, er hægt að nálgast strikamerki sem veitir aðgang í þjónustuveri Akraneskaupstaðar að Dalbraut 4.
Þetta er ákveðið í þeim tilgangi að stýra aðgengi að svæðinu, koma í veg fyrir losun á óleyfilegum efnum, og hindra skemmdarverk.
Eftir 20. apríl 2024 gilda eftirfarandi reglur um aðgengi og losun efnis á móttökusvæði:
Losun á móttökusvæði jarðefna í Grjótkelduflóa (neðan við Slögu) er einungis leyfileg með eftirfarandi skilyrðum:
- Svæðið er opið kl. 8 - 17 á virkum dögum og er lokað utan þess tíma með aðgangshliði.
- Gjaldtaka fyrir losun er í samræmi við þjónustugjaldskrá og skal gengið frá greiðslu fyrirfram hjá Akraneskaupstað.
- Heimilt er að losa uppgrafið jarðefni.
- Heimilt er að losa unnið malar- og grjótefni.
- Heimilt er að losa lífrænan garðaúrgang og niðursöguð tré (undir 1 metra lengd).
- Heimilt er að losa hrein steinsteypubrot (mesta lengd undir 30 cm) án útistandandi bendistáls.
- Allt efni skal ómengað af olíu, plasti, timbri og öðrum spilliefnum.
- Losa skal farm á afmarkaða staði innan svæðis og eftir leiðbeiningum starfsmanna.
Minnt er á að losun úrgangs og jarðefna á víðavangi á Akranesi er óheimil.
Nánari upplýsingar eru veittar í þjónustuveri Akraneskaupstaðar.
Beiðnir um aðgengi utan opnunartíma skal senda á þjónustuver Akraneskaupstaðar, akranes@akranes.is með minnst viku fyrirvara.
