ÍA undirritun samnings vegna Norðurálsmótsins
27.04.2022
Akraneskaupstaður og Knattspyrnufélag ÍA undirrituðu nýjan samstarfssamning um Norðurálsmótið til fimm ára sl. sunnudag rétt fyrir leik gegn Víkingi. Með þessum nýja samningi er lagður grundvöllur að áframhaldi stuðningi bæjarfélagsins við mótið í formi afnota af mannvirkjum og opnum svæðum auk styrkveitingar til Knattspyrnufélags ÍA. Gert er ráð fyrir um 2.000 þátttakendum á hverju ári á mótið. Það er markmið samningsaðila að mótið laði að þúsundir annarra gesta til bæjarins og verði þannig góð kynning fyrir bæjarfélagið og knattspyrnuna á Akranesi.
Moya