Ný foreldrasamtök fyrir grunnskólanna á Akranesi og í Hvalfjarðarsveit
Foreldrasamtökin AK-HVA fyrir grunnskólanna á Akranesi og í Hvalfjarðarsveit verða stofnuð 25. febrúar nk. í sal Brekkubæjarskóla kl. 19:30. Markmið samtakanna er að búa til öflugt tengslanet foreldra innan skólanna þriggja og brúa bilið á milli þeirra. Tilgangurinn er einnig til að búa til vettvang fyrir foreldrasamtal og samtarf á svæðinu. Samtökin munu styðja við það foreldrastarf sem er fyrir í skólanum og standa fyrir ýmis konar fræðslu fyrir foreldra um forvarnir, menntun og fleira.
Dagskrá fundarins:
19:30 - Skólastjórnendur Brekkubæjarskóla, Grundaskóla og Heiðarskóla opna fundinn.
19:40 - Bryndís Jónsdóttir, verkefnastjóri Heimilis og skóla og Heiðrún Janusardóttir forvarnarfulltrúi með erindi um gagnsemi og forvarnargildi foreldrasamstarfs.
20:15 - Formleg stofnun samtakanna og kaffi og kaka. Reglur samtakanna kynntar og kosið formlega í stjórn.
Akraneskaupstaður fagnar nýjum foreldrasamtökum og hvetur alla til að kynna sér málið og mæta á stofnfundinn.
